ما أقول الا الله يعينك بس !!
أنا لين الحين مافهمت شو سر رفض بعض البنات للشوفة الشرعية ؟؟
جد والله .. !
أعرف وحدة .. كل مايتقدم لها معرس .. يطلب الشوفة الشرعية .. واللي هي من حقه كطالب زواج .. ترفض رفض قاطع ونهائي .. والمشكلة اللي مدوختني .. انها بنت ماشالله عليها .. ما عليها كلام .. !!!!!!
طول بجمال رباني .. ببشرة بيضاء .. وشعر أسود ونعيم ... وعيون ذباحة ..
صدق والله !!!!!
المشكلة انها تقول أنا واثقة من نفسي .. ولله الحمد .. هو ليش يبغي يشوفني ؟
قلنا لها لأنه مايعرف انتي شو شكلج .. حتى الوصف اللي يوصفونه .. يحسبه مبالغ فيه .. مجرد تأكيد على كلامهم .. انه يبغي يشوفج .. ماشي فايدة .. على طول تقبضهم الباب .. ما تعطيهم سالفة .. !!!!
أخوي ..
أنا رايي من راي الأخوان .. كم من بيوت انهدمت بسبب هذا التعنت بعدم قبول الرؤية الشرعية .. سواء من البنت .. أو من الأب أو من الاخوان .. !!!!!!!!
صر عليهم انهم يا إما يقنعون البنت بمبدأ الشوفة .. والا انت قبضهم الباب .. ((يمكن أساسا البنت مب موافقة على الزواج أصلا)) !!
ليش تحط نفسك وتحط البنت في هالموقف ؟
والخيرة فيما اختاره الله .. !
البنات تارسة البلد ماشالله .. وألف وحدة تتمنى ظل رجال .. والدلع هذا لازم توقف وقفة حزم فيه .. !
على طاري صورة الموبايل .. ذكرتني بسالفة مستوية لناس زوجوا بنتهم بطريقة الصورة في الموبايل.. وكانت الصورة لوحدة ثانية ((موديل)) .. ويوم العرس يتفاجأ المعرس بواحد صاحبه يالس على الكوشة .. عافانا الله P:
وعذر الأهل.. انه مانعرف الريال .. يمكن انه يوزع صورتها بين الشباب .. والا ينسرق موبايله .. والا .. والا .. والا..
ههههههههههههههههههههههههه
عذر أقبح من ذنب..