المشاركة الأصلية كتبت بواسطة J_N

مرحبا...
الموضوع المطروح صار شائع في المجتمع بصورة كبيرة، لكنه لم يصل لجميع البنات(الحمد لله) وإنما للبعض منهن ، ويكون التفكير كالتالي: البنت لما تتزوج تقول ببالها: الحين أقدر آخذ راحتي في التسوق و السفر و للأسف بعض الأحيان التحرر من بعض الأوامر الشرعية. وهالشي يكون حتى لو والدها ما كان حارمها من شي وما قصر معاها، وهذا طبعا بسبب ما يسمعنه من الأكبر منهن سنا ...مثلا: صديقتي كانت تتكلم معاي بسوالف الزواج وشلون ننظم الحياة الزوجية (للعلم صديقتي مو متزوجة)، وأنا اتكلم معاها واقول لها الحياة الزوجية المفروض تكون مبنية على التفاهم والاتفاق ووو (من هالكلام) إلا تقول لي: صراحة ما توقعتك من هالنوع ، أنا أعرف إنك فاهمة بهالامور وأقول إنك قدوتي لما أتزوج، بس بعد اللي قلتيه مستحيل اكون مثلك. .........طبعا أنا كنت مستغربة من كلامها ، وليش أنا قلت شي غلط ، وأفكر ليش غيرت رايها عني، ولما سألتها قالت لي: المفروض إن الوحدة لما تاخذ الرجال أول شي تسويه إنها (تسوي فورمات لعقله) وتخلي الأشياء اللي هي تبيها فيه ، يعني يصير ما يعرف يقول لها لا ، وتكون هي المسيطر الأول والأخير في البيت . أنا ما قدرت اتركها تكمل حكيها وسألتها منو قايل لك هالأشياء؟؟ تراها كلها غلط بغلط.....تصوروا الرد......بنات عيلتنا كلهم يعملوا مثل اللي قلته ومن أول يوم ملكة ، يعني معقولة كلهم يكونوا غلط وإنتي بس الصح؟؟، وحتى لو ما كان أهلي يعملوا اللي قلت لك عليه، أنا راح أعمل مع (الشي) اللي بياخذني . يعني ما قالت حتى الرجال أو زوجي...الله يساعد الرجال اللي زوجته من هالنوع
طبعا صديقتي الآن أصبحت في خبر كان، لأني ما سمعت أخبارها من أكثر من سنة
آسفة طولت، بس لأني مستغربة من الحالة