أختي سيدرا
لك ألف شكر وعافيه وأدعوا الله لك بالتوفيق
أنا إنسان في وقت إجازتي أشتغل مع ولد عمي لمدة 16 ساعة متواصلة وأحيانا في بعض الأوقات 45 ساعة متواصلة وماعندي إجازه خلال الأسبوع وآخذ فلوسي بنسبه من الأرباح يعني وقت نومي بس 5 ساعات حتى أنقطعت عن أهلي لمدة شهر كامل مع أني ساكن معاهم بس أصحى الصبح وأروح أتفقد الموظفين ثمن أرجع وأكمل شغلي وآخر الوقت أجتمع مع مجلس الإدارة بما أني عضو فيه وأرجع الساعة 1 فجرا في الغالب ومرة بغيت أترك الجامعة علشان أتفرغ لكن محاولات أهلي ومساعدة ولد عمي عطاني يومين شغل في الأسبوع بس يعني فكرة إني أتزوج وتصير زوجتي تحاسبني بالروحه والجيه ولاتزم تجي الساعة عشرة ولاتسهر بالشغل ولازم نشوف أهلي ونسافر وزيادة صرف على الزوجه علشان تتمكيج وتلبس وتاكل وتسافر وغيره من تقييد للحرية بس علشان ماتقعد لحالها المسكينه هذا الوضع مايمشي معي أبدا وفيه كلام كثير جدا ودي أقوله لكن أرجو تفموني
بس أحب أوضحلك أن مو كل الناس تتحمل بعضها ومو كل الناس لها طريق واحد ومو كل الناس عندها إستعداد تضحي ومو كل الناس عندها إستعداد تفكر كيف توصل لهدفها أنا حبيت أقدم تجربه للشباب الطموح والي أنا منهم كان بعضهم يقولي وهم طبعا من زملائي وأصدقائي كان لهم أهداف كبيرة جدا وكان بعضهم بداء دراسات عليا وبعضهم بدا بأعمال تجارية صغيرة وكانوا صغار جدا بعضهم توه بلغ 20 سنة من عمره لكن تعرفون مجتمعنا إذا صار في جيبك شوية فلوس ومعك سيارة موديل السنة صار حكم الزواج عليك واجب لأن مقومات الحياة الزوجية قائمة ويقولون ((يالله فك زنقة البنات من العنوسه)) كأن إحنا الي علينا الوم إذا ماتزوجت أنت إذا أنت الملام في عنوسة البنات وعلى فكرة هذي صارت لي أنا ولا والي يضحك أن واحد قالي (( تراالأربع مليون عانس تراهم بذمتك )) كأني أنا الي عنستهم ولا الشباب الطموح هو المسؤول عنه يعني الواحد إذا صار عازب ومعاه فلوس وسيارة غالية صار لازم يتزوج طيب ليه !! ليه ماتشجعونه أنه يكمل طريقه وتساندونه لين ينجح أنا بعطيكم مثال بسيط
فيه شخص من هذولي الشباب العزاب عنده مشروع يكلفه 50 الف ريال في مساهمة فتحها ولد عمي ونسبة الأرباح الي بتكون مخصصه له 10 % وعلى فكره والأصل هو يستاهل 2 % بس علشان قيمة المساهمة تستحق هالمبلغ المهم الرجال طلب من أبوه الخمسين ألف وأبوه رفض بعد أن عرض عليه أبوه 70 ألف وسيارة جديدة بس علشان يتزوج والمسكين تحطم وضاعت فرصته والولد بغى يبدأ حياته بنفسه ومعتمد على حاله بمساعده من أبوه الي رفض لأنه يقول خايف يضيع الفلوس عاد أنتوا أحكموا وين راح يكون ضياع الفلوس في هذه الحاله بالزواج ولا بالمساهمه الي راح تفتحله باب يكون فيه مستقبل ناجح وأظن الشيء هذا متكرر كثير بس بأشكال مختلفه يعني صار الواحد تادرا ماليقى التشجيع في أمور تتحقق فيها أمال الشباب كلامي هذا قد يلخص مشاكل إحنا نعاني منها