تدرون وشلون أنتم ما فهمتوني ولا راح تفهموني لكن أقولكم هالكلمتين الي يبي يتزوج يتزوج والي مايبي يتزوج لايتزو ج والي يبي يصير يعيش عاله على الناس يعيش فقير وهو مذلول وكل واحد يشيل هم حاله
لكن أنا والله ما أرضاها على نفسي أعيش مثل الناس العاديين أنا أخذت عبرتين أولهم زملائي وأصدقائي مايصدقون على الله يخلصون من الجامعة حتى يتزوجون ثمن أنقلبت حالتهم والله صارت تكسر الخاطر يطروون من أهاليهم علشان يصرفون على حالهم وعلى صيصانهم
والعبرة الثانية قريبي هذا الي تعب وكد وحفر الصخر بيده حتى كون هالنجاح وصار حوت كبير....... الناس تهابه وتخافه وتحترمه والله لو تشوفونه كيف يمشي بين الناس حتى كبار التجار يخافون منه علشان ما يبلعهم بالسوق بالله مو هذا رجال يستحق الأعجاب والإحترام
لكن حتى مع رفضي لأهلي بأني رافض فكرة الزواج أنا بصراحة راح أمشي على خطى هالرجل الي هو قدوتي وبجد أكسبني إحترامه
أنا مالي دخل بأحد كل واحد يصرف نفسه بالدنيا ذي وعلى فكرة تدرون ولد عمي الي هو قريبي الي كنت أتكلم عنه وش قال (( أنصحك ما تتدخل بحياة أحد ولا تنصح أحد لأنه بيجي اليوم الي راح يلومك فيه من نصحته ))
أنا أكره أن أكون عادي مثل الناس العاديين أنا ما أرضى أكون عادي مثل غيري
أنا راح أحفر أسمي بزمن التاريخ علشان الناس تعرف مين أنا وعلى فكرة ترا الشغله كلها مالها علاقه بالزواج بشكل كبير قد ماهي مشكله الواحد يورط نفسه فيها وأنا بصراحه مالي نية أتورط بورطه مثل ذي أنا إنسان حر ولا لأحد حق بأنه يقيد حريتي أبغى أحس طعم النجاح .
أنا ولله الحمد شايل هم نفسي بنفسي متكفل بكل شيء بنفسي أسدد فواتيري بنفسي مع أني أصغر أخواني وهذي ماعمرها صارت مع أخواني
والي يبي النصيحه يدورها عند غيري أنا حبيت أساعد لكن أنا غلطت وأنا أعترف بغلطي
وأشكركم على الأقل أنكم قريتوا وحاورتوا .