((2)) نعم راودتني ،،، وهي حضانة بناتي ،،، اولا اعرف ان الحضانة من حقي ،، والكل طمني ،، خصوصا ان الاب عاطل عن العمل ،، ولا ينفق ،، لذلك حضانته للبنات مستبعدة ،،، بس الخوف الاكبر كان من طليقي نفسه ،،، والله ان اقسى من قلبه ما شفت ،، وش تتوقعون من ابن عاق لأمه ،،، الله يهديه ،،،
بس فعلا خايفة من ردت فعله ،،، خصوصا اني انا اللي طلبت الطلاق والحمد الله حصلت عليه ،،، وهو طبعا عنده كبرياء وما يرضى حد يقوله ان زوجتك خلتك تطلق غصب عنك ،،، فاكيد بيحاول يقطع قلبي ،، وهو بلسانه قال لدامك طلبتي الطلاق ،، فاستحملي اللي بيجيك ،،، وطبعا بدء يضغط على سالفة البنات ،، وانه بياخذهم مني ،، وهذا اللي مخوفني ... بس لحد الحين الامور هادئه ،، البنات ما يشوفون ابوهم من ان البيت لاصق بالبيت ،، بس القلب ،، اعوذ بالله اقسى من الحجر ،،، والله انه يقولي بعد الطلاق ،، انا مالي خص بالبنات ،، وباعتبر نفسي ما جبتهم ،، ولا انا ابوهم ،، وباتجاهلهم حتى لو اشوفهم بالشارع ،، ولو وحدة منهم ماتت (( لا قدر الله )) لا تقولين لي لان ما يهمني ،،، شفتوا قلبه ،،، يعني والله اتوقع انه لو يبي يحرق قلبي ممكن حتى يذبح بناتي ،،، تصدقون تعقدت صرت اخاف انام انا والبنات لوحدنا بالليل ،، لان بيتهم لاصق ببيتنا ،، وانا غرفتي بالطابق الثاني ،، وطليقي سكير (( والعياذ بالله )) فدائما اتخيل انه راح يقفز من النافذة ويدخل بيتنا ،، ويقتلني مع بناتي ،،، بس الله يستر ..
((3)) بناتي معي وانا اصرف عليهم ،،،
((4)) والله ان البنت الصغيرة لسه مش فاهمه شي خصوصا اني يوم تطلقت كان عمرها 4 شهور ،،، يعني لا تعرف ابوها ولا شي ،، واهي الحين عمرها 1.5 بس ،، عشان كده لسه بدري عليها ،،،
اما البنت الكبيرة اللي عمرها 6 سنوات ،،، مصيبتي انها ذكيه ،، وتفهم بسرعة ،، وسنها اكبر من عقلها ،،، في بداية الطلاق عادي ما حست لاني انا اساسا ساكنه بيت اهلي رغم اني متزوجة ،، واروح بيتهم لما هو يطلب ،،، شفتوا العبودية ،،، بس ما كنت اقدر اقول لا ،، خصوصا ان والدته الله يهديها دائما تنكد على ،، وتلمح لي انه عمي زادت عليه مصاريف البيت ،،، مع اني والله العظيم ما آكل في بيتهم شي ،، والله استحي ،، لان زوجي عاطل وطول النهار نايم ،، والليل سهران لين الفجر ،،، فانا طبيعي استحي اخذ شي من البيت ، ،، مع ان الولد ولدها ،، والمفروض تستحي على وجهها ،، وتقول ان ولدها غلطان وتتحمل ولو القليل عشان حفيدتها ،،، والله العظيم وصلت بي الحاله اني مرة اغمى علي من الجوع ،،، والزوج خبر خير ،،،لا وامه نفس اليوم كانت تتكلم عن مصاريف الاكل ،،، وكنت شاربه بس كوب شاي ،،، فطبعا سدت نفسي عن الاكل وظليت اشتغل في البيت واغسل الهدوم على جوعي ليما طحت على الارض ،، وام زوجي تشوفني تعبانه ولا مهتمة ،، فاتصلت ببيتنا جاو وخذوني المستشفى ،،، وكله بسبب الجوع والحالة النفسية ،،، بعدها قررت اني اروح بيتنا ،،، وهو لين اشتغل يجي ياخذني ،،، بس وظليت ببيتنا الى الان ،،، والحمد الله ،،، كاني طولت السالفة،،،
فأبنتي الكبيرة كانت احيان تسئل عن ابوها ،،، وكنت اقول لها انه مشغول ،،، وتتكرر الاعذار ،،، ليما قالت لي ،، (( ماما انتي دائما تكذبين على ، وتقولين ان ابوي مشغول ،،، وهو اصلا ما يشتغل ))) هنا سكت ،، وقلت البنت خلاص حاسة وانا لازم اوضح لها لو شي بسيط ،،، (( فقلت لها شوفي حبيبتي ،،، بابا بيحبك كثير ويحبني ،،، وانا احبك واحب بابا ،،، بس احنا لو نجلس مع بعض ،،، بابا ساعات يعصب ةيقوم يضربنا ،، انا وانتي ،،، وانتي ما تحبين بابا يضربني ويضربك ،،، عشان كذا اتفقنا انا مع بابا ،،، عشان ما يضربنا ولا يصرخ في وجهنا ،، ان كل واحد يقعد في بيت لوحده ،،، بس احنا ترى نحب بعض ،، وبابا يتصل كل يوم يسئل عني وعنك ،، وانا بعد اتصل فيه واسئل عنه ))) والحمد الله اقتنعت ،، وعدى الموضوع ،،، بس الحين صارت تقول ((ماما انتي دائما تكذبين ،،، تقولين بابا يكلمك ،،، بس اهو ما يتصل يكلمك )) وفعلا اهو لا يتصل ولا يسئل ،،، وانا عجزت من الاعذار ،،، وكنت دائما اقول لها ان ابوك اتصل يسأل عنك وقال لي انه مشتاق لك كثير ويبي يجي يشوفك وياخذك الحديقة ،،، واهي الفقيرة تفرح ،،، ولما تطلع عن باب بيتنا ،، تشوف باب بيتهم تنتظر تشوف ابوها ،،، عشان يسلم عليها بحكم انه مشتاق لها ،،، لكنه الحقير يطلع ويشوفها وكأنه ما شاف والبنت الفقيرة تأشر بأيدها ،، ولا يرد عليه فتدخل جري على الغرفة ،،، ووجها احمر ،،، فالحقها واسئلها اش فيك ،، ولا تطيع تخبرني بش ،،، بس احس فيها ،، لانها تبدأ تقول لي انا ما احب بابا ،،، ولا ابقي اشوفة ،،،
وفعلا هذا مسبب لي مشكلة في حياتي ابي بنتي تتجاوز المرحلة بسرعة ،،، الله كريم ،،،