أجمل إحساس في الكون
وجود قلب حنون يوقف معاك لما تضيق عليك دنياك
وهذا إحساسي معاكم

من كل قلبي اشكر كل الاحبه اللي اتفضلوا علي بمشورتهم واتكرموا بمنحي جزء من وقتهم
أحبتي أتمنى أن صدركم يتسع لي عشان الخص لكم موضوعي في نقط وتفهموني:

 أولا: أتمنى منكم انكم تفكروا معايا في طريقه أقابله بيها وحركات رومانسبه اقدر أنفذها في فندق(يعني مثلا أنا ماحاقدر ارتب الغرفة بورد وشموع وحركات من دي لأننا مو في بيتنا وبعدين حتى إذا فكرت بكده كيف حاقدر وهو حيكون قاعد معايا طول الوقت يعني ما حيخرج عشان اعمل كده)

 ثانيا:كيف اقدر اعمل هذي الحركات وزي ما قلت لكم أولادي معايا وبعدين هما مو صغار(9و6 سنوات)وما منهم مفر

 ثالثا: وهي أهم نقطه في الموضوع وهي اللي ممكن تغير لي مجرى حياتي كلها كيف اقدر اخرج زوجي من حالة الصمت اللي تلازمه يعني أنا ما ابيه بس يتكلم هاليومين لأنه افتقدنا وفرحان بينا لأ ....... أنا ابيه يفضل يتكلم معايا دايما.. يعني زمان كنت أحاول اختار الأوقات اللي يكون فيها رايق عشان نتكلم لكن كانت إجاباته مختصره….ايوه…لأ… طيب وبعدين… ومن هدي الإجابات حتى لما يطلبني والله بدون كلمات أو مقدمات يعني دخول في الجد على طول وبدون أي صوت أو أي كلمه فكيف تطلبوا مني إني أساله اش اللي يعجبه واش اللي يحبه ويريحه بالتأكيد ما حيرد علي وعلى سبيل المثال في حياتنا العادية أشياء كتير عنه عرفتها بالصدفة أو من خلال أهله أو حتى من زوجات أصحابه ؟؟؟؟؟ وكنت أحاول أغطي عالموضوع واعمل نفسي عارفه ولما يعرف إني عرفت أو أساله ليه ما عرفت منه ......يرد باجابه مقتضبة ما جا وقتها 00 كنت ابي أقول لك00 ما حبيت اشغلك000000 وبس مافي أي إضافات
إخوتي أرجو منكم رجاء خاص جدا جدا انكم تفيدوني لأني ابي ابدأ معاه بداية جديدة من أول يوم وإذا سبق وأتفتح موضوع في المنتدى على موضوع صمت الأزواج وكيفية التغلب عليه أتمنى انكم تدلوني على الرابط تبعه وأعيد وأقولها ما طمعني فيكم إلا كرم أخلاقكم


أخ سنافي
شكرا لك وعجبني رأيك وحأحطه في بالي بس الأكيد إني حأطبقه لكن في نقطه أحب أضيفها وهي إن زوجي حيتضايق لو عرف إني ادخل النت مع إني ما ادخل قدامه واصلا ما عندي كمبيوتر في بيتي بس مجرد فكرة دخولي النت تضايقه على الرغم مما فيه من الفوائد وأولها وجود هدا المنتدى وثانيا والله عمري ما قلت كلمة الجنس أو ما شابهها قدامه لأنه هو ما بيتكلم في هدي الأشياء فما بالك بالبقية؟؟؟؟؟؟؟؟؟

أختي شروق
أشكرك جدا على تواجدك الكريم واعتقد انه موقفي أتوضح يعني ما حاقدر أصارحه واطلب منه يعرفني اش يحب 0000 وخلافه لأنه عمره ما فتح هدي المواضيع ولا حاقدر أقول له إني اطلعت عليها بس إنشاء الله كل اللي استفدته من المنتدى حأحاول أطبقه


The moon
شكرا جزيلا لك وأنا إنشاء الله ناويه ابدأ بصفحه جديدة وحاقول له اللي اقترحته علي بس إذا عطيتني طريقه أخرجه بيها من صمته المطبق بس ادعي لي

أختي SiM_SiMa
قرأت لك العديد من الردود الرائعة في المنتدى وأرجو منك الآن انك ما تبخلي علي بأحد هذه الأفكار و الردود وشكرا لك على منحك لي هذه الدقائق الثمينة من وقتك