المشاركة الأصلية كتبت بواسطة BADOW TOY

تحياتي ك أخوي حساس


موضوع في غاية الأهمية .. ((ولو بالنسبة لي على الأقل)) .. وأنا ما أتفق مع اللي قال ان الزوجة ماعندها وقت فراغ .. حتى ولو في حالة وجود أبناء .. الفراغ موجود .. في حالة وحدة بس .. إذا كانت الزوجة طموحها يتعدى حدود أسوار البيت ..


ومشاركتي في الموضوع إن شاء الله بتكون من خلال تجربتي الشخصية مع الجلوس في البيت ولاهتمام بالبيت والزوج والأولاد .. وتجرتي مع الخروج إلى العمل:

في بداية الزواج .. تحب الزوجة انها تتفرغ لبيتها وزوجها والطبخ والكنس والتنظيف .. لانها في حاجة لهالشعور بالتعب .. انها عاشت طول عمرها في بيت هلها تنتظر اللحظة اللي تتزوج فيها علشان تمارس فيها طقوس الزوجة المثالية .. ((مثل ما شافت أمها)) .. ممكن تستمر هالحالة سنتين أو ثلاث ويكون في هالفترة بإذن الله قد شرف ولي العهد .. وبتستانس عليه .. وبتعطيه كل الحب والاهتمام والرعاية اللي يباها .. بيجي اخوه أو أخته .. وبتكثر مسؤولياتها .. بس في النهاية مصيرهم يسيرون الروضة وينشغلوون عنها في فترة الصبح .. بطبيعة الحال .. اصبح عندها المشكلة اللي ما لقينا لها حل .. وهي .. الفراغ القاتل ..

ممكن او سنة تلتهي بالنت .. بس بيكون الملل .. ولاننسى المغريات الموجود في النت .. والكل عارفها .. ممكن تسعيذ بالله وتنهي النت من حياتها .. ويا در ما دخلك شر .. !

وبعدين ؟؟

في فترة الصبح .. ما أشوف انها تسوي شي .. بتمسك التيلفونات وبتتصل على أهلها .؟؟ والا ربيعاتها ؟؟

بتمل .. !!

بتقضي لها مشاوير خاصة فيها .. مثل الخياط .. الصالون .. ال ... ال .. ال .. الخ !

إلى متى ؟؟

هنيه تنعرف الزوجة الطموحة اللي تكلمنا عنها .. اللي تدور تسوي حق عمرها شي .. بس تبى اللي يساعدها عليه ويوجهها التوجيه السليم .. والله أنا أشوف انها لازم تشتغل .. لانها بتكون في حالة بحث لأي شي يديد .. وهنيه المشكلة .. التفكير هذا يودي في داهية .. ((الشي اليديد))

وحضراتكم عارفين شو القصد من ورا كلامي

وبالحرب النفسية والجسدية .. والبكاء والضحك .. والمزح والجد .. والكر والفر مع زوجي العزيز .. تبعت كل الساليب مع زوجي في سبيل إقناعه بخروجي إلى العمل .. وبأن هذا الشي ما بيأثر من بعيد ولا من قريب بإهتمامي بالبيت ودراسة الأولاد .. وراعيته هو الشخصية .. وبعد جهد جهيد .. وبعد 1 سنة زواج .. اقتنع .. وما أدراكم شو اللي صار خلال هالـ 11 سنة .. !

ما علينا ..

المهم .. اقتنع أخيرا بعملي .. وحط شروط وقواعد في انضباط البيت .. واشياءه لازم تكون مثل الأول وأحسن .. وبالفعل بذلت مجهود جبار فاق احتمالي .. خليت الأوضاع . وكاني مب مداومه .. وكأني طلعت الصبح ورديت .. لأن دوامي يخلص قبل دوامه .. ولا حس انه في أي تقصير مني من ناحية البيت او من ناحته هو شخصيا ..!

والحمد لله مشت أموري على أحسن ما يرام ..


وأنا أقول اني مع الزوجة إذ فكرت بجدية ... انها تعمل .. بس مثل ما تحس ان مديرها بيحاسبها على أقل هفوة .. أو أقل زلة .. ترى الزوج .. هو معين عمره مدير وحكم عليها .. يتريا لها أقل زلة ... ((في حالة اه مب موافق من الأساس بفكة العمل للزوجة)) .. وبيحملها نتيجة أي خطأ أو حادث في البيت .. ((طبيعة الرجل الشرقي))..!


والسموحة منكم على الإطالة .. وفي جعبتي الكثير .. بس ما أبغي أمللكم اكثر عن جيه..!


تحياتي للجميع ..