انزين هو ينفق عليكم؟؟؟ ولا لا؟؟؟
انتي اذا حصلتي على الطلاق بعد المحكمة بتحكم عليه بالنفقه ومطالب فيها...
مع ان رايج انه اذا رديتي وشاف ولده يمكن يرق ويحس ...لاتزعلين من سؤالي...شو نوع الاحتياجات الخاصه اللي يعانيها طفلج؟؟؟
دائما اغلب العائلات وخاصه الرجال الله يهديهم ينصدموا بعد هالنوع من الولادات...وييجنبون المرأة والطفل..وكأنها هي السبب
وهذه حالات كثيره عايشتها في مراكز ذوي الاحتياجات الخاصه اثناء تدريبي.... والمرأه هي اللي تشل الهم لوحدها
لازم يفهم زوجج ان هذا قضاء وقدر وابتلاء لازم يصبر عليه عشان الله يعوضه بخير....
وفي نقطه ماعرف لو اتلاحظون ان هالاطفال ربي يزرع في وجوهم حلاه ونور غير..... اتحسين انهم قريبين على القلب.. فكيف اذا ابوه شافه اكيد بيحبه... وبيتخطى الصدمه..ويرد ينصلح حاله معاكم
انتي رديليه بس لاتكونين ضعيفه يعني خلج قويه ودافعي عن نفسج واذا غلط عليج اسكتي وماعليج منه ... قوليله هذا ولدك مثل ماهو ولدي..ومب انت اللي تتهمني بالخطأ انت بعد ابوه ولك دور فيه... لكن هذا ابتلاء من الله مايحقلنا نتهم بعض فيه...
واذا شفتي ان حاله مانعدل وزاد في اهانتج...هالمره ردي واطلبي الخلع لو لزم الامر