منتدى عالم الأسرة والمجتمع - عرض مشاركة واحدة - اسفة ..أشعر بالتقزز من الحياة الزوجية المقبلة! ساعدوني !!

18-07-2005, 05:43 AM

مستحية !

عضو جديد

تاريخ التسجيل: Jul 2005

المشاركات: 48

السلام عليكم أجمعين ...

أختي سندريلا العرب ..
ألف شكر لكلامك لأنك حسستيني انه مو بس انا اللي كذا !!
وهو فعلا موبس انا اللي كذا !!! ثنتين من صديقاتي عندهم نفس الشعور !
واذكر بعد بنت عمرها فوق العشرين ( عشان محد يقول متأكدة إن عمرك عشرين

) وكانت تقول انها قرفت من صديقتها لانها تزوجت !!!! وكنت استغرب شعورها ذاك اليوم ... لين ما صرت زيها وتذكرت كلامه ..
بس والله كلامك ريحني ...
وبعدين وش صفحة النت اللي وريتيها امك لا تكون مثل اللي طحت فيها وانا مدري !!

حسبي الله عليهم

انا قريت ردك من يوم كتبتيه ... وقعدت الأيام اللي راحو أحاول افكر بشكل ايجابي ..
و برضو أحاول أقرى في هالمنتدى الطيب مواضيع تتناول الزواج بمفهومه الراقي ..
والحمد لله يوم عن يوم تتحسن الحالة

تسلمين قلبي ما قصرتي ريحتيني بكلامك و وقفتك الطيبة

الله يسعدك ...

++++++++++++++++

وجه الخير ..
أشكرك أخي الكريم على كلامك الطيب ...
و والله اللي قلته درسناه وقريناه .. بس ....... مااااااااااا ادري !!!!!!
أشكرك مرة ثانية على كلامك الطيب من جد ريح خاطري .. وبديت أنظر للزواج من ناحية طيبة ...
أتمنى تنصحوني بمواضيع حلوة بهالمنتدى تساعدني أفهم العلاقة الزوجية بشكل صحيح .. لأني ما احب اقرى كل شي أخاف ترجعلي الحالة

..

ايه عمري 20 ..
واذا صار ؟؟!
لو كنت بنت يمكن فهمت شعوري ؟

شكرا لك من صميم القلب ..

++++++++++++++

أهلا ديمو الحزين ...
لا تزعلون مني على هالمسمى ..
والله اني قلتلكم اسفة لاني عارفة ان هاللقب غلط .. بس حبيت أوضح شعوري ..
وما أحط حواجز,,,
والحمد لله اني ما حطيت حواجز كلامكم جدا ريحني

..

سلمت أخوي ووصلت الرسالة

...
واسفة مرة ثانية ...

+++++++++++++

بـــــــدر ..
على قولك ..

بحول الله وعونه بتعدي

++++++++++++

كريم الطباع ..
شكرا على كلامك .. ، ما قصرت ..
وإن شااء الله أنا قاعدة أسوي زي ما قلت ..
والله ودي أقول لأمي عن الموضوع .. إلا اني مرة مستحية ..
(اقولها بوجهها أحس انك قذرة !!!!

)....
شكرا لك اخوي وفعلا بديت أحس انها فترة وتعدي ..
انا فهمت الموضوع برمته فهم غلط ... ويوم عرفت هالمنتدى الحمد لله... بدأت أفكاري تتغير و تتسم بالإيجابية ..
يا ريت فعلا ..
يكون فيه توعية بهالمواضيع حسب مراحل العمر المختلفة ..
عشان محد يمر بهالحالة .. و صدقني كثير بنات زيي ..

...

شكرا سيدي الفاضل

++++++++++++

انا حساس ...
امممممممم مدري وش اقولك ..
بس كلامك ريحني .. من يوم قريته ..
كنت أقرى ردودكم وأفكر فيها اليومين اللي مرووا و فعلا بديت أحس انها فترة وتعدي

شكرا لك ..
والله يسعدك انت بعد ...

...

++++++++++

المتيم بحبها ..
كلامك حلو ومنطقي !! بس ...
صدقوني فكرة بمخي ,. وبمخ كثير بنات ...
الزواج لو ما الناحية الجنسية حلوو وما يخوف

...
يمكن ناقصين ثقافة صحيحة !!
ترى ما هو غلط اننا تربينا على البراءة والحيااء ..!!!
ليش أشوف الكل مستغرب من موضوعي !! انا فعلا اشوف انه شي طبيعي !!!
لان محنا بامريكا او اوروبا الطفل يعرف هالأشياء من يوم هو بالابتدائي !!
ولا حنا متعودين نحاكي رجال الا ابائنا و محارمنا !!
بالله تبون يمر موضوع العرس وفهم الموضوع الجنسي علينا مرور الكرام !!!!!
مدري أبي أوصل لكم فكرة ... ويمكن هالمنتدى بالناس الطيبة اللي فيه بيكون المنبر المناااااسب لإرسالها ......
الشباب من بنات و أولاد محتااجييييييييييين توعية جنسية صحيحة ... وراقية ..
لأنهم إذا ما فهمومها من هالمصادر بيفهمونها من مصادر أخرى وبتكون كل تصوراتهم مغلوطة عن الموضوع برمته !!!!
أتمنى وصلت فكرتي ..
وابشركم ان كل ما له احساسي يخف ..

الله يسلمك المتيم بحبها ، ويكتبلك السعادة ..

ويسلم كل اللي ردوو ...

+++++++++

ramystar...
شكرا لك اخي الكريم على الوقفة المعنوية

..
وإن شاء الله كما تقول

...

الله يسعدك ويجازيك الخير ..

++++++++++

ALBATOOLلا أعتقد أن تلك فقط هي المشاعر التي يمكن أن تتملك الفتاة فقط ..!
يمكن تقصدين فترة قبل الزواج ..
يعني بتتزوج وخلاص ! .. مو بعدها

....
وما أوافقك بفكرة الطبيبة النفسية ...
أشوف إن محادثة انسانة قريبة كالأم أو الاخت الكبيرة أفضل ...
لأنها فترة مؤقته ..
ومتأكدة ان معظم البنات مروا فيها .. إن لم تكن أنت غيرك

...

والحمد لله بالفعل أحس بتحسن .. و إنها فترة وتعدي

..

شاكرة لك تواجدك عزيزتي ..
والله يسعدك إن شاء الله ...

++++++++++

ياسمينة البستان ...
أهلا عزيزتي ..
واسمحيلي أستخدم حالتك كمثال ..
وساندريلا العرب ..
عشان ما يقولون انه شعور غريب وغير منطقي ..

...

حبيبتي استفيدي معي من ردود الاخوان هنا ..
أنا فعلا حاولت أفكر بشكل إيجابي ..
بدل ما كنت أفكر اني قذرة لأني نتاج هالعملية ..
صرت أفكر ان طفلة رقيقة وبريئة وابتسامة حلوة كانت في يوم نتاج هالعملية ..
والحين كبرت وصارت بنت ..
صرت اطالع اخواني الصغار و احس بشعور حلو...
وبديت أفهم حكمة ربي بالموضوع بشكل إيجابي

لو كان عار وقذارة كان ما اهتم فيه الإسلام بهالشكل ...
بالعكس الإسلام نظمه و دل على أهميته ...

الله يسعدك ويرزقك حياة سعيدة للأبد تنسيك هالمشاعر ..
فترة وتعدي حاولي معي نستفيد من ردور الاخوان والمواضيع الطيبة اللي تناسبنا بهالمرحلة .. بهالمنتدى ..

أتمنى لك السعادة

..

++++++++++

al_danaما عندي كلام ازيده

الا شكرا والله يسعدك

++++++++++

المبسوط ..

عساك دوم مبسوط ..
ضحكت على ردك ...

...
بس شكرا

و أتمنى ..الله يكتبلي الخير ....

+++++++++

gannat

إن شاء الله بقراااه ... بس اذا قربت أتزوج

هالحين بحاول أثقف نفسي بمواضيع بسيطة ...
و الله يشرح صدري آمين ..
شكرا عزيزتي على وقتك وردك وكلامك الحلو ..

++++++++

صريح جداً ...

شكرا والله اتحمست يوم عرفت انه حتى الاولاد يمرون بهالمرحلة ..

والله ريحني كلامك ألف شكر .. ألف شكر من القلب ..
جزاك الله الخيررررررررر .. وكتبلك السعااادة

..

+++++++

am alive

لا إن شاء الله أنا عاقلة ..
ذيك الساعة ما فيه مجال بكلم أمي بكل اللي داخلي ..
بتخليني أرفض بدون سبب هي أصلا !!

بس أخاف أقولها عن هالمشاعر تدفني للعرس دفففف :20:
تسويها أمي !!!
عموما ..

الله يسلمكم ويسعدكم كلكم ..
كنت كابته الموضوع داخلي لفترة ..
بس يوم شفت منتداكم تأكدت إني لو عرضت مشكلتي بلقااالها الحل ..
إحساسي بدأ يخف .. ما أقولكم زال تماما ...
بس فيه تحسن ....
وأتمنى تنصحوني ببعض المواضيع اللي تناسب حالتي ..
لأني بصراحة أخاف أنبش

أسعدكم ربي بحياااتكم ..
وجزاكم كل خير أجمعين ..

شكرا من أعماق القلب ..
وتذكروا إنكم مو قاعدين تحلون مشكلتي وبس ..
مشكلة كثير بنات زيي ...

أحبكم في الله ....