نوني2
اجوديه حيل
فتى الشمال
مها الكويت
ابو سحايب نجد
الولد المدلل
RAMOS
حلم الغد
شهـــــد
sa7ebsa7bo
hanan-a
بــــــــــدر
فلذة كبدي

مشكورين اخواني وأخواتي وجزاكم الله خير وصدقوني وقفتكم وكلامكم هذا معي خفف من اللي فيني شوي لكن الغلط مني انا كان المفروض اني من زمان مشاوره احد في هذا الموضوع من قبل ما افشل ويضيع مستقبلي لاني نجحت من الثانويه بتقدير مقبول وبنسبه اقل من الستين لانه صرت ما اهتم باي شي واتوقع اني راح اموت في اي لحظه تفكيري في الموت كان مسيطر علي وعلى حياتي حتى اهلي صرت اكرهم واخواتي من ابوي يكرهوني كل هذا بسبب اخوي وكرهي له ودائما يوقفون في صفه لو حصلت مشاكل بيننا ..والله العظيم اني صرت ما احب امي زي اي بنت تحب امها صارت عندي انسانه عاديه جدا لانها كانت السبب في اللي حصل لي بأهمالها لي وانا متأكده انها كانت تعرف باللي يعمله اخوي معي لكن سكتت خايفه من المشاكل او من ابوي لا يصير فيه شي تخيلو والله العظيم كانت اختي الكبيره في فتره جهازها لما كانت بتتزوج كانت ترسلني لاماكن بعيده جدا وتحتاج لسياره مع ان اخواني موجودين والسواق بعد لكن لا كانت تقول ما ابغى احد يعرف عنها وترسلني حتى في اوقات في الليل والان والله لو اقول لاخوي في الثانوي يروح لنفس المكان اللي كنت اروح له يقول قولو للسواق او قولو لاخواني يودوني لان المكان بعيد فما بالكم بوحده في الثامنه والتاسعه من عمرها
ما تتوقعون وش كثر فرحتي لما قالو المدرسه لازم تلبسين عبايه لانك وصلتي لرابع ابتدائي وكبرتي كنت فرحانه وعلى طول قلت لاهلي علشان يشترون لي العبايه وكانو يستغربون مني مع ان اختي اكبر مني ولا اهتمت فيها وانا اصريت عليها مع صغر سني وحتى شكلي صغير جدا وما يعرفون السبب وليه انا ابغى اتغطى بهالسرعه وكل هذا بسبب خوفي من المضايقات وعلشان ما احد يرسلني من اهلي لاماكن بعيده او للبقاله وغيرها

اخواني انا بشاوركم في مسأله خطيبي واما اخوي والله من دعواتي عليه الله مو موفقه في البنات وكل ما تجيه بنت تموت او يصير فيها شي والله لا يوفقه ويسلط عليه اللي اقوى منه
واما حبيبي والله ما ودي افقده اقسم بالله صار حياتي كلها وروحي ولا استغني عنه وراح تستغربون لو اقول لكم اني اثق فيه اكثر من اهلي ولو طلب مني اي طلب البيه له لو مهما كان واحيانا يطلبون مني اهلي اشياء وارفض ولما هو يطلبني اوافق على طول بدون اي تردد ما ادري وش السبب
وكل هالاشياء من مصلحتي كعلاج وغيره
ما ودي افقده ووالله لو فقدته راح افقد الدنيا كلها ولا راح اتهنى بحياتي هو بينه وبين اهله مشاكل لانهم رافضين زواجنا لكن في الفتره الاخيره قال لي انه خلاص الموضوع انتهى وبس ينتظر اخوه يجي من السفر ويخطبوني له
ونفسي اقول له موضوع الغشاء لكن بدون ما اقول له موضوع اخوي مع اني دائما على طرف لساني وابغى اقول له وفي الاخير اتردد واسكت ما ادري ليه مع انه يسألني دائما عن سبب كرهي له واقول مشاكل عائليه واحنا صغار وينصحني اني اتصالح معه لكني ارفض ويستغرب من هذا
انا محتاره ..فيكم من يقول صارحيه وفيكم من يقول لا اتركيه واخاف لما يكتشفها بعدين يتهمني بالخيانه وانا والله في حياتي ما كلمت شاب وتعرفت عليه الا هو والى الان ما ادري ليه سويت كذا مع اني معروفه بين البنات اني اكره هالاسلوب وكنت من طالبات التوعيه الاسلاميه في المدرسه والله حتى خايفه ان اهلي يدرون ويصير في ابوي وامي شي لا سمح الله

واما بالنسبه لمن يقول روحي الى طبيبه ثانيه فأقول لا والله خايفه من الصدمه وخايفه يكتب في الملف حقي ويستدعون اهلي
واما اختي انا استحي اتكلم معها في أمور الدوره ومشاكل النساء كيف اتكلم معها في ذا الموضوع الحساس والمحرج واختي هذي من النوع اللي ما يمسك السر وكل شي تقوله لامي واخواتي الثانيات

لكن هذا سؤال للمتزوجات واعذروني على وقاحته لكن الصراحه بقول لكم طريقتي في التنظيف من كان عمري 11سنه الى 16سنه الى ان وصلت للصف الثاني ثانوي
أنا كنت ادخل القطن فيني بعد ما اكوره واخليه دائري واحيانا احس انه يدخل داخل وما اطلعه الا لما ادخل اصبعي جوا واسحبه وكنت اتنظف من الدم اني ادخل اصبعي كله واغسل بالماء كنت احس بوجع بسيط بس استحمل لين احس بالنظافه لين قلت للدكتوره وجلست تهاوشني وتقول انتي تتعمدين تدخلينه لانك تحسين بنشوه فحلفت لها اني ما احس بشي ولا اعرف هالاشياء يعني عمري صغير على هالافكار
بسألكم اخواتي هل ممكن انه يكون الغشاء متأذي او ان بأستطاعت اي وحده قبل ما تتزوج تدخل اصبعها داخل
او ان نوعه كذا ويختلف من وحده لوحده
او هل فيه انواع ان الوحده تستطيع تدخل اصبعها جوا بدون ما تاذيه
اللي اذكره من كلام الدكتوره انها رسمت لي رسمه على شكل دائره او شكل بيضاوي ومن اربع جهات كأنه مخيوط او ممسوكه بشي وتحدد لي جهه وتقول ان فيه تمزق في هالجهه ياليت اللي فاهم هالشي يشرح لي ويفهمني زين
صدقوني احس اني سخيفه في طرحي لها الموضوع وجرئتي فيه وفيه اشياء كثيره في راسي ونفسي احد يفهمني ولا ادري كيف اوصلها
وان شاء الله تكوني فهمتوني

جزاكم الله خير والله يوفقكم جميعا