مرحبا حبوبه

مبروك على الزواج والله يتمم عليج

ويرزقج الذريه الصالحه

تايلاند يا محفوظة السلامه
حلوه غريبه عجيبه كل شي فيها من زين و شين من صالح وطالح

وان شاء الله اكتبلج الغريب العجيب الزين الصالح

قولي بدينا

جوها شهر 6 ، 7 و8 نوت باد يميل للحراره مع نسمات بارده احيانا رطب حال جميع بلدان الشرق القصى

من ناحيه الكلفه رخيصه توجد الفنادق بكافه درجاتها وحتى الخمس نجوم والدرجه الاولى اسعاره زينه بالنسبه
لفنادق اوربا والخليج

من ناحية التسوق يوجد الغالي والرخيص الماركات والتقليد

مجمعاتهم حلوه وفتح النفس للتسوق
عندج مجمعات الماركات ( الامبوريوم ، جراند حياة ، زين ، سكوير شي بس شنو نسيت ، ... زغيرها تقريبا كل مجمع
بجانبه مجمعين اوثلاثه )

مجمع عادي ( طوكيو ، ام جي ان ، ........... )

تقليد ماركات عندج السوق الليلي وبات بونغ
السوق المائي

تقدرين تروحين في تايلاند حديقه التماسيح حديقه الزهور حديقة السلاحف والحي الصيني والحي الهندي
عندج انواع وايد من الرحلات اللي تنظمينها مع الفندق او المكتب

الجزر روحي بوكت ومنها رحله لبيبي الاند وجيمس بوند وغيرها
ترى ما كو اثر لتسونامي الجزر كلها منظفه خالية من كل اثر

عندج منطقه اسمها شانغ ماي وشانغ راي فيهم رحلات حلوه على الفيله وغيرها تايلاند كل مكان فيه رحله للفيله

الكل فيها كل انواع المطاعم من تايلندي وصيني وياباني وهندي وماليزي واندونيسي وايطالي وفرنسي
ولبناني ومكسيكي كل اللي يطري على بالج غير الفاست فود المعروف والمقاهي

ولا يطوفج اكبر مطعم سمك في العالم عجيب مع اني ما آكل سمك

الفاكهه لذيذه عجيبه مشكله

ولا يطوفج المساج غير شكل

حبوبه ترى من ناحيه النظافه البلد مو مثل ماليزا اوسنغافوره لج عليها

بس يبيلج جوتري رياضه وجينز وتي شيرت مو مال تكشخين الا اذا رحتو سهره

وان شاء الله اكون افدتج

والله يوفقج