أخي العزيز / رومنسي
في البداية أقول الله يصبرنا لأن حالي مثل حالك بس أقل شوي حيث أن زوجتي تسولف بس لأتفه سبب تنكد علي ومستعده تجلس ما تكلمني سنه وطبعا أنا عارف السبب عندي وهو أمها لأنها هي اللي تعلمها ها العادة السيئة وتقول لها طنشيه وما عليك منه إذا صارت أقل مشكله وقالت لها . لكن أنا استخدمت نفس العلاج اللي قالت عليه نرجس وهو علاج التطنيش وعدم المبالات بها رغم أني كنت أحبها حب كبير جدا ولكن مع الأيام خلاص بدية أكرها شوي شوي ، لكن عموما التطنيش بدأ يجيب مفعول كويس وبدت تتحسن يعني بنسبة 1% بس ممكن بعد ما أموت تتعدل بس على فكره إنخفاض النسبة عندي سببها أني كنت أدرس في الأربع سنوات الأولى من زواجنا وكنت أنا في بلد وهي في بلد فكنت لما أروح تبدأ حركاتها لكن أبدأ انا بالتنطيش واسافر من عندها في أسرع وقت حاليا أنا موظف وناوي أجيبها من بلدنا لبلد عملي وأفتح بيت بعيد عن أمها عموما هي لما تكون بعيده عن أمها تكون يعني من أحسن ما يكون . فأنت شف إذا كانت أم زوجتك زي أم زوجتي ممكن تكون هي السبب وعليك بالتطنيش والتلميح بالزواج من أخرى .
وأتمنى لك التوفيق . واسف على التطوييل .