والله صابره

اسم على مسمى ماشاء الله عليك

انا مااقدر اقول لو كنت في مكانك كان طلبت الطلاق او عملت كذا او فعلت كذا ...

لأني مامريت بتجربتك وانتي الوحيده اللي تتألم حتى لو كان كل اللي حولك متأثرين بشده بحالتك

لكن اللي ابي اقوله

حاولي لحظه بس تفكرين بعقلك وتجاهلي قلبك

ادري انه شي صعب لأنه هذا اساس المشكله عندك ولو ماكنتي تحبينه اتوقع انك انفصلتي عنه ولا صار فيه مشكله اصلا

والحب بين الزوجين رباط مقدس وعظيم لكنه اذا كان من طرف واحد ايش تتوقعين يصير ؟؟؟

تقولين انه يحبك ؟؟؟

يمكن كان يحبك ومازال يحبك وراح يظل يحبك وانتي بعد

لكنه خلاص صار عنده عيال وحياة جديده وماابي اظن في الزوجه الثانيه ظن السوء لكن انتي ماتدرين يمكن هي اللي تضغط
عليه ويتصرف معك كذا علشان يطلقك وهو مايبي مثل اللي صاير بين نارين

ومثل ماقلت لك حاولي تفكرين بعقلك وتجاهلي قلبك وفكري بوضعك قبل زواجه وبعد زواجه

وفكري بالأطفال وبالأنجاب مثل مافكر هو وطبق تفكيره على الواقع وصار عنده عيال

وفي الأخير الموقف بمجمله محتاج شجاعه منك انتي .... يعني اقطعي عرق وسيحي دم .. واروع مافي الحياة الزوجيه انها تكون

مستقره ... فيه كلام بداخلي ابي اوصله لك لكني ماني عارفه كيف

اتمنى الله يسعدك ويرزقك .. واتمنى اني مااكون ازعجتك او جرحتك بكلامي