أنا مطلقة ولدي ولد عمره خمس سنين من يوم خذيت أبوه ولحد الحين وأنا مطلقة ما يمر شهر وإلا في مشكلة بسبب نفقة الولد المحكمة حكمت يستقطعون من راتب أبو ولدي كل شهر خمسين دينار المشكلة أبو الولد زعلان ليش يستقطعون من راتبه الأهل ما قصروا تفاهموا معاه على نفقة الولد ووعد إن كل شهر يعطي ولده لكن ما نفذ وعده يقعد بالأشهر ما يعطيه والحين ولله الحمد جات النفقة عن طريق المحكمة ولكن لم أخلص من مشاكل أبو الولد لحد الحين يتصل على جوالي وهدد إذا ما تنازلت عن نفقة الولد راح يشوه سمعتي عند الكل وأنا دائماً أغير رقمي لكن المشكلة هو يتصل من أرقام غريبة وآخر مرة اتصل وقال راح ينشر صوري بالبلاتوث تصوروا أنا أم ولده وسوي كذا ما خاف على سمعة زوجته وبناته أنا الحين محتارة شسوي لأن السنة إلى فاتت تهاوش مع إخواني وأنا ما بي مشاكل علشان ولدي الحين أي رقم غريب على نقالي ما رد عليه قام يرسل مسجات تهديد شنو ذنب ولدي ليش أتنازل عن نفقته دائماً أفكر أترك شغلي وأقعد في البيت علشان ولدي بس هل هذا الحل لا