وخري يابنت انتي وهيا واسمعو النصايح السنعة :
1- عوديه انك تستقبليه كل يوم بفرحة تبغي تتشققي منها لقدومه
2 - اسمعي كلام علماء السلوك وال nlp وقبل هادول كلهم هاديك الاعرابية اللي نصايحها مشهورة لبنتها يوم زفافها
اذا دخل زعلان ومكشر ازعلي معاه خلي يحس انك زعلتي لزعلو يدون ماتقوللي شئ
3 - زيدي درجة اهتمامك بيه لما يكون زعلان بانك تخفضي صوتك في البيت تقولي لبيه وسم وحاضر تعبي العشا بسرعة تجيبيلو موية حارة لرجولو كدا يعني
4 - اذا حسيتي الزعل مو شديد احكيلو حاجه حلوة قريتيها او شفتيها في التلفزيون او حاجة حصلت لاحد تعرفيه او قوليلو خبر جديد مفرح امدحي احد يحبو قدامو استخفي دمك يعني
5 - لا تستفيضي في الهرج الا اذا حسيتي يبغى يستزيد عشان لا يسرح في مشكلتو وانتي قاعدة تبربري
6 - اياكي ثم اياكي ثم اياكي تسئلي ايشبك ايش مزعلك ايش صار ماقلتلي عليه او تكشري في وجه وتزعلي منه عشان دخل مكشر واياكي في هذا الوقت من الشكاوي والطلبات