السلام عليكم و رحمة الله و بركاته ..

هلا بالأعضاء الكرام ..

بأدخل بالموضوع على طول .. بعد إذنكم ..

حكايتي إن عقد قرآني تم من أسبوعين تقريباً.. و لساعتي ما عرفت طباعه و لا أعرف شئ عنه ..؟؟
و هو يموت فيني و الحمد لله .. و جداً عاطفي و رومنسي ..

:::::::::::::::::::::::::::::::::::::::::::::::::: :::::::::::::::::::::::

الحكاية ..
إنه من يوم جاء و زارني خطيبي .. و يبغى يشوف كل شئ و يمسك كل شئ فيني ( أفهموها إنتوا ) ..

بالبداية ..
سمحت له شوي و بعد ما أمتنعت و رفضت .. و بداخلي خجل و ضيق ما يعلم به غير الله ..
و لإني أرى و من وجهة نظري ( بإنه لكل شئ وقته المناسب .. و يوم نكون ببيت لحالنا فله الحرية بذلك ) ..
و كمان أنا أول مرة أجلس مع رجل بحياتي .. و هو إنسان جديد بالنسبة لي ..
فلازم أتعود عليه أول شئ و أعرف إيش شخصيته و أعجب به ..
( حتى أبادله نفس الشئ ) ..

و سمحت له شوي ..
و لإنه قال لي ( إنه منع نفسه من الحرام و ما قرب منه .. و نفس بالشئ هذا و أنا حلاله ألحين ) ..
فما حبيت إنه يخرج و هو زعلان ..
بس بنفس الوقت .. غصب عني و الله ..

مدري و الله ..؟؟
لا أشعر بطعم القبلة و لا بطعم الإحتضان ..؟؟
و لدرجة إني كنت أعتقد إني ( أكرهه ) .. و كنت بأطلب من أهلي الإنفصال عنه ..
و لإني إذا عملت شئ ماني مقتنعة فيه أو يكون غصب عني ..
بأكره الإنسان اللي قدامي ..

و حين حديثي مع زميلتي ..
قالت لي : بإن مشاعري أنا طبيعية و إنها أول ماكان يجي و يزورها زوجها ..
كانت ماهي طايقته و لا تبغاه يجيها .. و كانت تبكي بعد ما يطلع من عندهم ..

و التانية نفس الشئ قالته لي .. و لدرجة ماكانت تسمح له يمسك يدها بس ..؟؟

:::::::::::::::::::::::::::::::::::::::::::::::::: :::::::::::::::::::::::

المهم ..

بينت له إني أتضايق و أنحرج من إنه يعمل الأشياء هذه معي ببيت أهلي ..
و إنه لكل شئ وقته المناسب ..

و طلبت منه يساعدني إني أتعود عليه أكثر و أفهمه أكثر ..
و هو قرر إنه ما يجي بيتنا بعد كذة .. و لإنه ما يقدر يمسك نفسه ..
و لو ما مسك نفسه .. فأنا بعدها راح أزعل منه و أتضايق و أتنكد ..
و أنا بالفعل و لا أخفي عليكم ( أشعر بإن هناك أشياء لازم ما تصير من ألحين ) ..؟؟

و لدرجة إنه كان يحسبني مصابة بالبرود ..؟؟
و شرحت له .. بإن تصرفي تصرف طبيعي .. و لإني ما أعرف رجل غيره ..
و المفروض يفتخر بإن زوجته تربت التربية هذه ..
و إن كل زميلاتي كانوا كذة بالبداية ..

:::::::::::::::::::::::::::::::::::::::::::::::::: :::::::::::::::::::::::

و أبغاه يزورنا و يجي عندنا ..
بس حاسة بـ ( خوف ) .. منه ..؟؟
و لإنه يبغى ينام معي من ألحين و مامر على عقد القرآن أسبوعين ..؟؟

و هو يقول لي ..
إنه كل الناس كذة و أنا اللي مغمضة و مشغولة مع دراستي و لا أعرف شئ ..؟؟
و أنا زوجته و شئ مو عيب ..؟؟

بس أنا تربيت إن الفترة هذه ..
لازم تكون فترة تفاهم و فترة محاولة لفهم بعضنا البعض ..
و بعدها أنا من حالي ( راح أبادله بالتقرب و الإشتياق إلى قبلاته و أحضانه ) ..؟؟

و إذا قلت له إن الفترة هذه لازم أعرفك أكثر ..
قال لي ( الشئ هذا راح تعرفيني بالتلفون و بتعرفيني بعدين .. يوم نكون ببيت لحالنا ) ..

و ما أتفق معه بالشئ هذا ..
فأنا أشوف إن الشئ اللي هو يبغاني أعمله معه ..
لازم تصير بعدين .. و احتراماً و خجلاً من أهلي .. فما أقدر إني أعمل الأشياء هذه ببيت أهلي ..

مدري صح و لا خطأ ..؟؟
و هل مشاعري تجاهه الفترة هذه طبيعية و راح تتغير مع الأيام ..؟؟ و لا كيف ..؟؟
و لدرجة إني أرفض الخروج معه .. و بدون ما يكون معنا أحد و عشان ما ياخذ راحته ..
و لحد ألحين ما خرجت معه غير نص ساعة للمطعم و بس ..

و صار كل ما يطلب مني أخرج معه .. أقول له ( أمي رافضة ) ..
و هي بالفعل رافضة .. لكن بإستطاعتي أقنعها لو أبغى أخرج ..

و لإنه عاطفي جداً جداً جداً .. و يحبني و الحمد لله على النعمة ..
فأنا أقابله بالجفاء أكثر الأحيان .. و إذا طلب مني أعطيه قبلة ( بالهاتف ) ..
أتمنع و أقول له ( وحدة و بسسس ) ..

و آخر شئ قال لي ( لازم تجاملي زوجك ) ..
قلت له ( أعرف أجامل و أعرف أدلل و أعرف كل شئ .. بس توني ما عرفتك ) ..؟؟
و كل شئ بوقته أحلى ..

و بألبس لك اللي تبغاه .. بس يوم نكون ببيت لحالنا ..؟؟

:::::::::::::::::::::::::::::::::::::::::::::::::: :::::::::::::::::::::::

أعزائي ..

ساعدوني الله يخليكم ..؟؟

أنا خايفة من الزواج .. و أخاف أستمر على الحالة هذه بعد ما نكون ببيت واحد لحالنا ..
و أحب أتكلم معه بالساعات .. و أحب أحط راسي على رجله و أنام .. و يقبلني ..
و أحب إنه يحرك يده على ظهري ..

بس ما أبغى أنام معه ..
و لا أبغاه يشوف الأماكن الحساسة و لا يلمسها ..

أتمنى تكونوا فهمتوني .. و لإن أهلي لحد ألحين مو فاهمين ليش أرفض إنه يجي يزروني ..؟؟

و هو وعدني إنه إذا جاء زارنا مرة تانية ..
ماراح يقرب مني ..
بس أخاف إني أندم على الشئ هذا مستقبلاً ..؟؟

هل تصرفه صحيح ..؟؟
و هل كل المخطوبين بيصير لهم نفس الشئ ..؟؟

و هل كل البنات تصيبهم نفس المشاعر ..؟؟
و هل ممكن أتغير بعد الزواج و يوم نكون ببيت لحالنا ..؟؟



أفيدوني الله يخليكم .. ( رجال و نساء ) ..؟؟
و هو يحبني بجد و أنا ما أعرف أحدد إيش هي مشاعري نحوه ..؟؟

أحبه بس ما أبغاه يقرب مني ..؟؟