أول شي شاكرة جدا لكل من تفاعل ورد،،

بالنسبة لأخواتي البنات اللي ردو احترم آرائهم جدا جدا ما ألومهم على أي كلمة قالوها يكفي انهم حسوا فيني وانقهروا مثل ما انقهرت واحنا عاطفيين .. شي طبيعي كل الحلول اللي ذكرتوها اخواتي .. لكن مو معنى هذا اني اوافقكم عليها كلها لأني اقرب واعرف بتفاصيل الأمور .. وانتم ما قصرتوا عطيتوني حسب ما قريتوا بالمشكلة وانا يمكن ما وضحت بعض النقاط.



بالنسبة لكلمة ملكة .. فعلا تعودنا عليها جدا لكن مو شرط نكون راضيين عنها

عموما اغيرها .. واقول .. عقدت عليه ..



بالنسبة للي طلبوا مني انفصل عنه .. انا ما وافقت عليه الا بعد الاستخارة أكثر من مره وكمان الاستشارة

استشرت الشيخ المنجد واستشرت ابوي واخواني وانطباعهم عنه .. الكل يمدحه ومرتاح له ولاهله

غير ان موافقتي كانت بناء على قول الرسول صلى الله عليه وسلم:" من ترضون دينه وخلقه فزوجوه إلا تفعلوه تكن فتنة .... " الحديث

علشان كذا عارفه ان ربي ما راح يضيّعني



الأخ جمر اسمح لي اقدم لك تحية شكر لأنك فعلا وضعت النقط على الحروف

كلامك في محله .. وريحني كثير الله يريح بالك ويسعدك

وتأكيدا لكلامك وان خطيبي ان شاء الله رجل عفيف هو كفيف البصر .. يمكن هذا له دور بالسالفة؟

يمكن هذا مخليه منحرج او خايف ... لكن مع ذلك معجبني فيه جدا شجاعته وقوة شخصيته وهو قدام ابوي لما جا يخطبني أول مره

<<< شافته لكن طبعا ما شافها

انا معاك ان علي زمام المبادرة بس ادعوا لي بالتوفيق



سنكرز معاك حق .. كنت متوقعة ان اهلي يسوون كذا .. لكن للأسف ما سووها واستحيت اطلب منهم



ألف تحية وشكر وتقدير للجميع ما قصرتووو

الله يسعدكم ويوفقكم وينولكم اللي في بالكم