السلام عليكم ... أخ wer2020 جميع الإخوه والخوات في المنتدى

أتمنى من كل شخص يقرأ ردي ( وخصوصا الأخوة المشرفين)إنه يعذرني على أسلوبي وكلامي ... لأن الموضوع يحرق الدم

أنا اعتقد واجزم بأن مافي موضوع يحرق ولا يقهر الحريم اكثر من ها الموضوع ... مو لذات التعدد... لاء
اللي يقهر فيه انتو الرجال !!!

اتكلمــــــــــــــــــــــــــــــــــــــــــوا بصراحه

اللي يتحجج بوجود الارامل والمطلقات ...
اقله استريح ولا نضحك على بعض .. اللي يفكر انه يتزوج وحده ثانية خصوصا اذا كان مرتاح مع زوجته ما راح يفكر في وحده ارمله او مطلقه و كمان اذا عندها اولاد ( ناقص وجع راس ) (( إلا ما رح ربي )) بالعكس يبغى وحده صغيرة ترجع له شبابه ( على قولتهم ) ... انا اقلك بلاش تاخذ وحده ترجعلك شي ارضى باللي راضيه بك مثل ما انت ولا تفتح على نفسك باب ما انت قده

اللي يقول حلال والشرع اباحه ....
اقول له خلاص خلصت كل الحلال اللي في العالم ما بقي الا الشي هذا اللي ماسويته ؟؟!!! خلاص يا ابن الناس اكلت وشربت كل شي حلال ما قلت على شي لاء وما بقي غير هالموضوع ؟؟!!

اللي يقول اتزوج ثانية ولا اروح للحرام ..
مهو عذر ولا حجة مافي شي اسمه امشي حلال ولا اروح للحرام اذا انه الواحد مهو متزوج اقول معذور او اذا في مشكله في زوجته ممكن .. لكن اذا ان الحال تمام ويقول يرضيكي اروح للحرام ده شيء راجع لدينك واخلاقك وحسابك عند ربك .. واذا انت متزوج وبتفكر في الحرام فالزواج من ثانية ما راح يوقفك او يمنعك بالعكس هتطمع في الثالثة والرابعه ... ويا ترى بعد الرابعه اش هتسوي ؟!! هتبدا بالطلاق عشان لا تروح للحرام !!!!!!!!

اذا الزواج لمجرد التغيير ... عذر اقبح من ذنب !!
اذا الواحد من البداية قال ان عنده نيه للتغيير والتجديد والزوجه موافقة ما اقدر اقول شي غير كل واحد وطبعه
لكن بعد الزواج يجي يقول ابغير واجرب وابغى اقنع زوجتي ؟!!! اقول له الله يسامحك ويعين زوجتك
وبعدين مو تقول حلال والشرع اباحه ... يعني الحمد لله تعرف للدين والشرع ... حلوو ..... وين القضاء بقدر الله ؟!!
مو الزواج ( من غير وجود خلافات ) يعتبر قضاء أين الايمان بالقضاء ؟؟ ولا الموضوع مجرد ترديد عبارات

وبفهمي المتواضع للدين ... ما أظن أن الرغبه في التجديد والتغيير كانت الأساس للتعدد


انا ما انكر انه جايز وما احد يقدر يحرمه لكن الشرع اجازه وحلله بشرررررررررررررط العـــــــــــــــــــدل

لا تقول عارف ها الشي و ان شاء الله ما في غير العدل بينهم

مو قصدي لشخصك انك ما تقدر تعدل بس مستحيـــــــــــــــــــــــــــــــــــــــــــــ ــــــــــــــــــل العدل في هذا الزمن

اذا ما اتحذف ردي .. نكمل المرة الجايه .. وان شاء الله تكون الاعصاب هديت