أخوي سليل الجد ..

كلامك عن الصبر و الدعاء ..
مريح جداً .. و أنا إن شاء الله واثقة من نيتهم و يكفي إنهم عائلة ملتزمة و تخاف ربها و هذا اللي أبغاه من الدنيا ..

بس صدقوني مو مستعجلة .. ( أمي اللي مستعجلة و قلقها و اللي تحاول إنها ماتظهره لي .. هو اللي يقلقني .. )
حتى أقول لأمي كأنك إنت العروس ..

و خلاص قررت ..
ما بأفكر بالموضوع .. و كنت من أول ما أفكر فيه و أشغل نفسي بأي حاجة ..
بس مثل ماقلت لكم .. جلست بيني و بين نفسي و قلت لازم أتخذ قرار و ترك الأمور بهذا الشكل أحسه خطأ ..


أبغى أقول لكم حاجة يمكن ما قلتها لأحد و لا أحد فاهمني ..؟؟
و هو السبب الرئيسي يمكن .. لتعجلي فقط ..؟؟

الشاب ملتزم و على خلق و دين إن شاء الله ..
و أنا أسعى إلى الثبات بإذن الله .. و حسيت بالفترة الأخيرة بالفتور الشديد ..
و نفسي أكون قريبة من ربنا أكثر و أرجع مثل أول و أكثر ..
الحياة أشغلتني و خاصة الفترة الأخيرة .. و ماكنت ألاقي التشجيع بالمحافظة على العبادات ..

فحرصي و تمسكي بالشاب هذا ( بالذااااااااااات ) ..
لإني حاطة أملي في الله ثم فيه هو ..
و أبغاه .. إنه يساعدني على الطاعات و يشجعني عليها ..

و أنا و الله هدفي من الزواج .. و اللي يعلم به ربي ..
أخروي أكثر من إنه دنيوي ..

أبغى حياة كلها طاعة لله ..
و حياة كلها صح ،، و حياة من أجل إسعاد الآخرين ..
و أساعده و أشجعه على إنه يكون بار بوالدينه أكثر مما هو عليه ..
و أهداف كثييييييرة ..

و هذا هو سبب تعجلي ..
أتمنى تكونوا فهمتوني ..

و حتى ناوية إذا سألني المأذون إيش شروطك ..؟؟
أقول له شئ واحد ( إنه يحب ربنا أكثر من كل شئ )

و المهر ماهمني كم بيدفع ..
مو لإني مسترخصة من قيمة نفسي ..
بس أنا عارفة قيمة نفسي .. و المال ماهو قيمتي ..
و يكفي إن ربي أرسل لي شاب محافظ على صلواته الخمسة بالمسجد إن شاء الله ..
و أخلاقه عالية بإذن الله ..

و هذه الأشياء اللي راح تساعدني إني أكون بيوم من الأيام ( داعية لله ) بإذن الله ..

أختكم ,,
و سامحوني عالإطالة ..

بس حسيت نفسي أقول اللي بنفسي و اللي ما قلته لأحد غير ربنا اللي عالم به ..

و جزاكم الله كل خير ..