منتدى عالم الأسرة والمجتمع - عرض مشاركة واحدة - أمي .. زوجتي .. الصراع الأزلي .. فكرت أعزف عن الزواج مع إني مملك جديد

08-11-2003, 02:01 PM

الدنجوان

عضو دائم

تاريخ التسجيل: Sep 2003

المشاركات: 94

أمي .. زوجتي .. الصراع الأزلي .. فكرت أعزف عن الزواج مع إني مملك جديد

يا جماعة .. الله يخليكم .. وش أسوي ؟؟

ملكت من فترة .. اخترت شريكة حياتي بنفسي .. والوالدة الحمد لله راحت شافتها ووافقت

بس وافقت بعد إصرار كبير مني .. الوالدة شايفتني ومو مصدقة .. وشايفة إن هالبنت ما تستاهلني

لأنها مو جميلة بالقدر الكافي

أنا بصراحة شايفها جميلة .. وعاجبتني .. يعني أنا بالأساس ما كان شرطي الأول الجمال

يمكن هي مو جميلة مررررة بمقياس الناس

بس مواصفاتها الباقية ممتازة ( وبشهادة الوالدة )

الوالدة متحسفة هالبنت علي

وتقول إنت كامل .. طبعاً محد كامل .. بس بنظرها .. (هو الحمد لله مواصفاتي ممتازة من كل النواحي)

ومن الحين بدأت المشاكل قبل حتى ما أتزوج

أشعر إن الوالدة صارت تغار

و كل ما قلت إني بقدم لخطيبتي شي

تقولي (وش قدمت لأهلك ؟؟ ليش ما صبرت ؟؟ عالأقل كان حسينا بخيرك شوي .... إلخ )

يا جماعة الخير .. المشكلة بعد إني لقيت بيت جنب أهلي .. وخايف من المشاكل

ورضا الوالدين عندي مقدس .. ومستحيل أزعل أمي

بس المشكلة ..

صار رضا الوالدة متوقف على إني أعامل زوجتي معاملة سيئة .. وإلا .. جن جنونها

أغيثوني يا أهل الخير .. أهون عن الزواج ؟؟ ولا وش أسوي ؟؟؟