بسم الله الرحمن الرحيم
السلام عليكم ورحمة الله وبركاته :
أختي العزيزة هنووووووووووووفة ألف ألف ألف
ألــــــــــــــــــــــ مباااااااااااااااااااااااارك ـــــــــــــــــــــــــــــف
على إنتهاء مشكلتك على خير وسلام ...
والحمد لله ألف حمد والشكر لله ألف شكر بان المسألة عدت ورجع السلام لك ولزوجك ...
صدقيني يالهنوف كان بودي أشارك بس لقيت كل الأعضاء ماشاء الله تبارك الرحمن قالوا الكلام الصحيح ووضحولك غلطك فإكتفيت بإني أدعيلك دعاء بضهر الغيب لأنها مستجابة ...
عاد تصدقين هنوفه كل يوم أكثر من مره أجي المنتدى عشان أشيك على موضوعك وأشوفك رديتي ولا لا عشان أتطمن عليكِ والحين الوقت بالصبح الساعة 9:30 قلت لابد اشوف موضوعك وألاقي خبر يفرح والحمد لله ماخاب ظني ...
ونصيحة من أخت لأختها يالهنوف إنك معد تستعجلين وتحكمين بسرعة صدقيني الشيطان له أعوان وأفضل أعوانه هم من يخربون بين الزوجين ويحطهم عنده أعلى مرتبه ... أقلك كذا عشان تعرفين عظم أمر طلاق الزوجين ...
وبعدين مو عشان زوجك يسافر كثير يعني لو علاقات ... فزوجك حسب ماني فاهمه تاجر وله علاقات بمدن كثيرة وغير كذا ربي منعم عليه فلو بغا يتزوج يقدر يتزوج بكل سهولة وهذا مو حرام ... بس هو يحبك ودليل محبته أنه يدور على راحتك بكل الطرق وشاريكي يالهنوف والدليل قفلته لباب غرفتك عشان ماتاخذين ملابسك ...
إنتبهي تشكين فيه مره ثانيه لأن الأولى ممكن تعدي بس الثانية خلاص بتخليه يعرف إنك منتي واثقة فيه وبالتالي يفضل أنه يتركك ويطلقك على أنه يعيش مع وحدة بتشك فيه ...
ومثل ماقالت أم جمانة الله يعطيها ألف عافية انك إنك ماتخبرين أحد بسعادتك حتى الأقربون لأن الناس بتحسد صدقيني حتى لو أقرب قريب وهذا الشيء راح يخرب عليكِ أشياء كثير وإسئلي مجربة ...
فخلي سعادتك بينك وبين زوجك وأي أحد يستفسر عنك وعن حياتك قولي الحمد لله ماشية بما يرضي الله بدون تفصيل حتى تعيشي بسلام إنتي وزوجك ...
على العموم ياستي الحمد لله إن مشكلتك إنتهت على خير وإنك عدتي لبيت زوجك وإنتوا سمن على عسل 
... وصدقيني فرحتلك من كل قلبي ... والله يجعل أيامك كلها سعاده وهناء ...
لك فائق إحترامي وتقديري وخالص محبتي ...
أختـك : شمــــــــــــــــــــــــــوخ ...