هاي يا جماعة
أنا عايز آخد رأيكم في موضوع
أنا خاطب منذ شهر ولم أعقد قراني بعد
في الأسبوع الماضي كنت عند خطيبتي في زيارتي الأسبوعية لها .. أنا متعود إني بكون عندها الساعة 8 وبمشي على الساعة11.30 تقريبا كل زيارة
من يومين أبلغتني خطيبتي وهي خجلانة مني إن والدها وأخوها أبلغوها عدم رضاهم عن ذلك وأن زيارتي لها لابد وأن تكون بدري شوية ولا تزيد عن ساعتين ثلاثة على الأكثر
طبعا الكلام ده كان غصب عنها بسمعه منها .. لكنها كانت محرجة منى .. وكذلك محرجة من والدها وأخيها وعايزة تراضيني وتراضيهم
هذا الكلام ضايقني جدا .. طبعا أنا عارف إن لازم تكون زيارتي لخطيبتي في حدود المعقول .. وعارف إني كده غلطان إني طولت في قعدتي عندهم ..
بس أعمل إيه الوقت معاها بيفوت بسرعة و مبشبعش منها ..

لكنهم من قبل طلبوا منى أن أجعل زيارتي لهم الخميس على أساس أنهم أجلس براحتي وأسهر معاهم
لكن الكلام ده طلع ((أي كلام)) بعد اللي سمعته
المهم طلبت منى خطيبتي أن أزورها من الساعة 6 للساعة 9 يوم الجمعة على أساس إن الساعة 9 بدري عشان محدش يتضايق من أهل بيتها وكده كده قعدت معاها ساعتين ثلاثة
على فكرة خطيبتي بشوفها 3 أيام في مكان عملي ..فهي تتدرب فيه في تلك الأيام وده سبب معرفتي بها

أسئلتي لكم يا جماعة
هل آخد الموضوع على أساس أنه يمس كرامتي ولا أذهب ،، لأنهم بكده بيتحكموا فيا؟
أم أوافق خطيبتي ولا أحرجها مرة أخرى أمام أهلها وأنفذ رغبتها ؟؟

أم أفتح الموضوع ده مع أهلها وأحاول أشوف قصدهم إيه ؟؟

من فضلكم ردوا عليّ بسرعة أنا في حيرة من أمري
ولكم جزيل شكري