هاي يا جماعة

اليوم لسة راجع من عملي وفعلا يا جماعة لما اتبعت اسلوب التقل لقيت نتائج هايلة

لقيت خطيبتي بعد المشكلة الأخيرة بعد أما لفت حول نفسها مرات في العمل بحثا عني لتكلمني وتشوف أنا زعلان منها ليه

تكلمني وتعاتبني وتقول (( انت ما بتكلمنيش ليه )) وعاتبنا بعض بس وأنا ثابت أمامها دون أن أهتز

وجدتها كادت تبكي وبررت عدم اتصالها بإنها - كما قلت لكم من قبل - كانت مريضة وراقدة في السرير وما كانت تقدر تكلمني في التليفون لأنه مش عندها عند والدها في متجره
وحين ذهبت للطبيب ورجعت مع والدتها كانت ستكلمني .. بس أنا سبقتها ووبختها على عدم اتصالها ليومين كما شرحت لكم من قبل

وكانت محضرة مفاجأه في المكالمة أنها لن تذهب لرحلات وأنها - وده المهم - نجحت في الترم الأول بتقديرات عالية
لكن أنا بعصبيتي حرقت مفاجأتها عشان تفرحني

بصراحة يا جماعة لقيت نفسي بقول يا واد يبدو أن ما حدث سوء تفاهم وكبّرنا الموضوع على الفاضي

بس الحمد لله اتصالحنا بفضل الله وفاجأتها في يومنا هذا بشراء بوكيه ورد بسيط عليه كارت يحمل تهنئة بالنجاح والشفاء

والحمد لله الميه رجعت لمجاريها بعد ما اتفقنا نبطل أي حاجة من شأنها تزعلنا من بعض مما ذكرته لكم من قبل

بس انصحوني .. إزاي أتعامل معاها بعد كده وإيه الطرق اللي تخلينا سوا أسعد اتنين

وربنا يوفقكم في نصائحكم الغالية لي ولغيري من أعضاء هذا المنتدى