مبتعثة كتبتي لي عارضتي الكل و تزوجتي و اخوالك و و

صحيح ! ..
زواجي بعد اتخذته بناء على قرار شخصي جداً
مرت فيني لحظات ندم كثيرة آخر عامين و حتى هالفترة
لكن والله الحين الحمدلله ، احس ماني ندمانة
يكفيني طلعت منه بهالوردتين و ذقت طعم الذرية
لأن الامومة من اعظم المشاعر اللي كان ودي اجربها
و لأن التربية الصالحة اعظم مشروع اتبناه في حياتي

كذلك ماني ندمانة اني تزوجت بناء على قراري الداخلي
حتى لو فشل هالشي
انا احمد الله ان ابوي و امي عطوني حرية القرار و يعطوني اياه دايم
حتى لو عارضوني
لكن معارضتهم ما تعدو ان تكون مجرد رأي و ينقال

خالي اللي هو كبير العيلة كان أشد الناس معارضة لزواجي
حتى انه قاطعني يوم عقدي و ماحضر ..

بكيت و حزنت و ارسلت لزوجته اني تمنيته يحضر

بعدها ب اسبوع رحت بيته لقاءنا الاسبوعي العادي كعائلة
لقيت البيت مزين باللمبات من برا استغربت
دخلت لقيته يستقبلني يبوسني و يعتذر سوا لي حفلة عوضني عن عدم حضوره يوم عقدي
و ذبح لي الذبايح
و سوا لي كوشة
حفلة متكاملة ماقصر فيها عشان يطيب خاطري

و بعد ٥ سنوات من زواجي و تحديداً
ثاني اسبوع من طردة زوجي لي
يعني قبل ٥ اشهر
كنت لسة في بيت اهلي محد يعرف ان بيني و بين زوجي شي

كان عقد قران بنت خالي الكبير نفسه على مصري !!!
تصوري انه ولد خالي كلم امي قالها وافقنا لانه شفنا زواج بنتك ناجح و مثالي ..

و انا كان زواجي بهذيك الفترة جالس ينهار اصلا و يُسدل الستار عليه

ليش طيب تتوقعين خطا هالخطوة لو فعلا الابناء مالهم حقوق مثلما ذكرت غادة
وهي نقطة فيها من المغالطة الشيء الكثير او خل نقول نظرة تقليدية نمطية ..
خالي ماهو غبي
وهو ادرى الناس بالأنظمة و الاجراءات خاصة انه تاجر و يتعامل مع عمالة من مختلف الجنسيات

بس لأن معارضتهم كانت لا تعدو معارضة على اختلاف العادات و التقاليد
لكن الدراسة و التعليم و و كل الامور المستقبلية : شافوا ان زوجي طبيب استشاري مرتاح و وضعه ممتاز
خلاص كل هذا محلول مع المادة القوية

ـ وهذا ارد فيه بيني و بين نفسي على زوجي: لما يتهمني اني طلعت اسرار بيته
كون انهم يشوفون الزواج ناجح كل هالفترة هذا اكبر دليل اني سترت و سترت و سترت الشيء الكثير

__________________

الحمدلله على قضاء يقربني من الله عز و جل.