رد: البخل دفعني لطلب الطلاق !
الله يوفقك يارب ويفرج همك
عندي ملاحظه لاتعطي اكبر من قدرتك
منتي ملزومه بعد التعب تطبخي لعايله كامله الى درجة التعب والضرر الجسدي عليك
تعلمي كلمه لا بدون تانيب ضمير
ترى لنفسك عليك حق وبتحاسبين عليها
مدري ليه تستخدمين الدين ضدك ترى ديننا رحمه بالشخص ولطف فيه مهب اداه تسلط عليه ليعطي فوق قدرته ويتخلي
عن احلامه
بصراحه ردك الاخير تتضح الصوره ليه استحقاقك منخفض لنفسك
لدرجة اذا كلمك زوجك بادب تحسينه شي عظيم وشي يمكن فوق ماتستحقين لانك عشتي مع ام الله يهديها
وياليت الاباء والامهات يعرفون الضرر الي يلحقونه باطفالهم
سواء تم الصلح مع زوجك او لا انتي انسانه طيبه وخلوقه ولا ازكيك على الله وتستحقين كل خير ومعامله طيبه في كل وقت
اذا رجعتي لزوجك ضعي شروط وحدود وحزم في بعض الامور
واذا الله ماكتب لك رجعه نصيحه اسكني لوحدك قريب من اهلك واطلبي تفقه
قوي نفسك ولا تعيشي كثير في دور الضحيه
حتى امك ضعي حدود وبلغيها ان كلامها ياذيك وخذي موقف
البر مو نتحمل ليمن تصير لنا عقد نفسيه