كوكي

توني قرأت كلامك و استوعبته
ظننتك تقصدين سلبياته

سلبياتي سابقاً قبل المشكلة الاخيرة
لما كانت توصل بيننا مشاكل و توصل للأهل
يقول ما اعيب عليها في شيء

سلبياتي من وجهة نظره ـ بما انه عاشرني :
ـ١ يقول تطلع اسراري برا البيت " وانا ذكرت في رد سابق لي
سبب رأيه فيني بهالموضوع اني اشتكيت لأبوي من تضييقه لي بالنفقة و طلبت منه يكلمه "

ـ٢ قال الندية و تحط راسها ب راسي و اذا حصلت بيننا مشكلة او قلت كلام او تصرفت
هي تسوي رد فعل
ف انا اسوي رد فعل اقوى منه
" المشكلة كل ردود افعالي ضعيفة هزيلة
اول سنة ما كنت ارد نهائياً
بعدها ارد بكل هدوء و صوت منخفض فقط اذا جرحني او اهانني و اكون مُحاسِبة على كلامي
" ولا ازكي نفسي على الله "
و انا سبق و قلت انا كنت موظفة و عندي ثبات انفعالي كبير
لذلك حتى لما يذمني عند اهلي يقول عندها : رد فعل
ما يقول تسب او تغلط او صوتها عالي


لكن هو حتى رد الفعل الهزيلة هذي ما يبغاها
يبغى ارجع لمرحلة الدموع و العزلة و الصمت المطبق

وانا تعبت خلاص
توني استوعب اني بشر و ان من حقي تكون عندي ردود افعال
و ان غيري ممكن يسوي ردود افعال اكبر

+

اعترف سبب كبير في اني ماتكون عندي ردود افعال اقوى
اني كنت اخاف منه
اخاف يمد يده علي او يقتلني او يشوهني او يحذفني ب شي و يسبب لي عاهه

كنت ضعيفة جزء ب ارادتي و جزء غصب عني خوف منه
يخوفني كان يرعبني

مرة سألت امي انتي تخافين من ابوي ؟
قالت لا
قلت لها انا اموت رعب منه

استوعبت في آخر سنة اشياء كثيرة
منها ان علاقتي معه غير طبيعية و مو هذا الزواج الحقيقي
اللي اعيش فيه خايفة

و الصراحة زوجي مو بس يخوفني
حتى الممرضات يخافون منه
حتى اخوه "اصغر منه ب سنة " يموت رعب منه

اخته نفس الشي سألتني:
انتي تخافين من اخوي

قلت لها ايه
قالت حتى انا اخاف منه

يعني هو عايش هالشخصية مع كل شخص يحتك فيه معه

__________________

الحمدلله على قضاء يقربني من الله عز و جل.