شيء من خاطره بدون طلب مني :
بيجاما مرة من مصر
و لانجري مرة من مصر
و عطر قيمته يمكن ١٠٠ ريال

كلها هدايا حقيرة و تصب في مصلحته و العلاقة الخاصة
اما عني اللي كنت استلم ٨٠٠ ريال مكافأة
اشتري لها كل فترة ب ٥٠٠ ريال عطر
ما خليت شي ما اهديته اياه و من اغلى ما يكون
ما كنت استرخص فيه شيء و ربي شاهد علي

"كنت اشوف الزواج اللي مبني على الحب الحلال
اعطي فيه كل شيء و مستعدة اعطيه روحي لو اقدر "
هذا كان مبدأي
لذلك انا ماتتصور لما بس أفكر ب فكرة ايش قدمت و ايش جنيت
قد ايش اتحطم
اتقطع من داخل
كرهني بالزواج كله و الرجال و الحب و العطاء و كل شي
حطمني من داخل
ماحب افكر بهالموضوع كثير و احاول اتناساه ولا اشغل بالي فيه
لكن ان جا في بالي اتحطم و احزن على نفسي

قطعت كل شي آخر سنة او سنتين
لاني شفت مافيه مقابل ابدا

لذلك سأذكر سبب فجّر آخر مشكلة بيني و بينه:
جاءني قبل المشكلة ب كم يوم
و طلب مني اصير اخبز له خبز كل يوم
و نصير ما نشتري من البقالة ابداً

طبعاً انا بهذاك الوقت : عرفت اللي قدامي
انسان ياخذ مني كل شي و مايعطيني اي شيء اي شيء
لا احترام لا ادب لا عاطفة لا تقدير لا فلوس او نفقة بالمعروف او مسكن لائق
كنت اشوفه ما يستحق الا الاساسيات اللي تمشي المركب بس زي ما يقولون
طبخ و تنظيف و احترمه و اتعامل معه كويس و بس
زيادة على كذا خدمات و دلع و هدايا ما يستاهل

قلت له : ماقدر عندي بنتين صغار
صعب هالطلب علي

عصب وصار يصرخ: وش فيها لو سويتي لي و و !
ما عبرته و سكرنا الموضوع

بنفس يوم المشكلة رجع فتح لي موضوع الخبز
و قال لي حرفيا: مانتي زي الحريم .. الحريم افضل منك
شوفي غيرك ايش يسوي و سوي زيه
حتى خبز مو راضيه تسوين لي

قلت له : ليش تحب تهلكني و تستنزفني
لما نرجع بالزمن و تصير انت تجيب موية من البير
انا ب اخبز كل يوم
لكن تطلب هالطلب بهالزمن و الخبز اصلا ب ريال ما يكلفك ب شي

قاطعني وهو يصرخ قال : روحي المطبخ سوي لي الحين
قلت له : والله ما اسوي لك

طبعاً هالموضوع ما يقدر يكلم فيه احد
ولا يقول سبب من اسباب مشاكلنا ما تسوي لي خبز كل يوم

و انا نسيته
من كثر ما آذاني بأشياء كثيرة
نسيت اشياء كثيرة
ماعاد اذكر الا الخطوط الرئيسية

اهلي هم اللي يذكروني
الناس اللي برا صاروا يشوفون الموضوع اوضح مني

حتى المحامي يقول لي: شكلك مو مستوعبة اللي سواه معك
ليش حطيتي شروط
حتى فكرة الشروط غلط

__________________

الحمدلله على قضاء يقربني من الله عز و جل.