صح احاسيسك و صح كلامك
و صحيح كل حرف كتبتيه

انا فعلاً مشكلتي الاساسية اني حاسة انه فعلا مو نادم ولا تغير
و انه يلف و يدور فقط عشان يوقف الجلسات و يعرقلها

لانه ٥ اشهر تركني معلقة
و اخذ اوراقي عنده
و ما اتصل علي ابدا
ولا ارسل رسالة
رغم اني بادرت من عندي ب اكثر من طريقة غير مباشرة
ارسلت له صور البنات بالعيد " و ما علق "
و خليت اخوي يتواصل معه لما بنتي ب ثاني شهر من مشكلتنا احترقت رجلها
" وكذلك ما تفاعل او اهتم بس اعطانا اسماء ادوية و علاجات "

فما احس انه متمسك بالأسرة ابدا او الزواج او فيني
كتبت في بداية موضوعي انا متأكدة انه يحبني
لكن مواقفه و تصرفاته اثبتت لي مؤخرا ان حتى هذا الشعور مو موجود

ـ ايوه فعلا ابغاه ما يلتزم عشان ما ارجع ، لاني فعليا اشوف حياتي ما تصلح معاه من عامين
لكني ماعرف كيف اطلع منها
و زي ما ذكرت طلبت منه الطلاق قبلها ٣ مرات و رفض

و حاليا في هذه المشكلة الاخيرة
رجعت طلبت منه الطلاق كثييير و رفض
حتى اهلي طلبوه منه انه يطلق بالمعروف و رفض
بالمقابل كان "قبل جلسة القضاء" رافض رفض قطعي الاعتذار او الشروط او حتى الاعتراف بأنه أخطأ

انا حاطة الشروط للتعجيز فعلا
لكن اذا كان بيصلح من نفسه و بيوافق ماعندي مشكلة ارجع

وفعلا كلامك في اول سطر انه المفروض ما يكاسر ولا اعطيه فرصة
وهذا اللي سويته امس

سويت هالموقف و ارتحت جدا لما حظرته
لكن الان احس ب شتات و حزن و تخبط مو عارفة ليه

__________________

الحمدلله على قضاء يقربني من الله عز و جل.