لا املك سوى الدعاء لك
الله يخيرك ويدبرك لاحسن الامور
لاشك انتي امراه عاقله ومثقفه
واعذريني لست متعمقه بمشكلتك
لكن في عده امور بذكرها
زواجك من شخص اجنبي يترتب عليه امور كثيره كان لابد ان تضعيها بعين الاعتبار لحظه وافقتي عليه
في حاله الطلاق هل تضمنين انه لاياخذ اطفاله لبلده
وش المشاكل الي ممكن تحصل لبناتك وهم ليسوا مواطنات
وش الانظمه المعقده الي ممكن يتورطوا فيها وممكن هو في حاله انتقامه يعملها
الي ابي اقوله قبولك بزوج من جنسيه مختلفه يحتم عليك دراسه كافه الاحتمالات ووضعها بعين الحسبان
الا اذا ماكنتي سعوديه ايضا والامر معقد بالاساس
ذكرتي كلمه دكتور لكن هو دكتور اجنبي لاننظري انه دكتور مواطن
اذا الاطباء المواطنين يعانون بالسكن وغيره من المصاريف فمابالك بطبيب اجنبي
اكيد بيحط في باله انه يجمع الفلوس حاله حال كل المغتربين لانه عارف باي وقت وقرار من الدوله يفصل من عمله
ماراح يصرف ويدفع ويرفه ويدفع لمدارس عالميه حاله حال المواطن خاصه في ظل الغلاء والضريبه و ورسوم الاقامه
اكيد نسبه الخوف عنده اكثر
الضرب والسب والاستفزاز ماله اي عذر فيه
موضوع ان الرجال مايعترفوا ويقلبوا الطاوله كثير منهم كذا مو بس زوجك
هل فعلا طلاقك بياثر على تاشيره وفيزا زوجك وهو يحتاجك للبقاء وضمان مستقبله
الموضوع لاشك صعب ومعقد ولا الومك بالحيره
توقفي عن كلامه والاتصال به
واذا اردتي الصلح قولي شروطك اول وتنفيذها ثم الصلح وليس العكس
استخيري
وان اعطيتيه فرصه اخيره هذا لا يعني ان انتي مغفله او غير فاهمه
المحاكم موجوده وباي وقت تقدرين ترجعين ترفعين قضيه