رد: البخل دفعني لطلب الطلاق !
مستجداتي:
أنا في حيرة و ضياع انا لله و انا اليه راجعون
بالأمس بنتي الكبرى بكت
قالت بالحرف ابغى اعيش مع بابا
ابغى اكلمه
رحت طلعت لها شريحة جوال
و شلت الحظر من جوالي و ارسلت له رسالة
فيها رقم بنتي الجديد
و قلت له هذا رقم فلانة كلمها بأي وقت انا طلعت لها شريحة عشان اتواصل معك
اول ما شلت الحظر
انفجر علي ب رسايل و كلام كثيييير ضيعني و بكاني و حيرني
قال لي انا ابغى اشوف بناتي و حاولت اقدم على طلب زيارة
لكن ممنوع نظاميا لان القضية اللي بيني و بينك ما انحلت
و قال لي ابغى اشوفهم اليوم
قلت له مين بيسلمك إياهم
اهلي محد فيهم يبغى يشوفك لانك شتمتنا كلنا ك اسرة في الرسايل
قال انا كنت في وضع نفسي منهار
لاني دخلت وسيط للصلح و رفضتي الوساطة و طلبتي الطلاق
بعدها بساعتين امك دخلت تكلمني و استفزتني و انا فقدت اعصابي و غلط
قلت له كل هالكلام ما يبرر لك
رسايلك موجودة و مثبته ضدك
بعدين قال الموضوع لما يدخلون فيه ناس كثيرة يخرب
قلت له انت دخلتهم
قال انا دخلت من عندي وسيط واحد
و قلت له و خالي؟؟ لا تكذب !!
المهم اني اكتشفت ان خالي كذب علينا كلنا
و انه تدخل من نفسه و مزاجه بدون محد يوكله
و نقل كلام لزوجي عني
و عن زوجي لي كله سيء و ولع الدنيا بيننا
ماعرف ايش هدفه
انا صدقت زوجي بهالموضوع بالذات
لانه ثاني مرة خالي يسويها فينا
بكيت عشت بدوامات
ليش يخرب
قبلها تدخل بين اختي و زوجها و ولع بينهم
و مرت 4 سنين و نسينا
و رجع تدخل لما حس في بيني و بين زوجي مشكلة
و شافني عند اهلي
تدخل من نفسه و ولع الدنيا و كذب باشياء كثيرة
ماني عارفة ايش يستفيد
حسبي الله عليه و نعم الوكيل