انا حزينة و ما أنكر !
حزينة ان المؤسسة اللي بنيتها ب يدي و اخترت صاحبها بعناية دقيقة
تنهار اليوم بعد مرور ٥ سنوات
شعور انتهاء العلاقة السامية هذي بكاني اليوم
لكني : رددت و ما زلت اردد "انا لله وانا اليه راجعون "
" انا لله و انا اليه راجعون "
" انا لله و انا اليه راجعون "
" انا لله و انا اليه راجعون "

ما بقى شي الا و داسه فيني
اعظم من كل الاهانات اللي مريت فيها ب زواجي
اعظمها كلها انه كان يبصق علي
لأنه داس فيها على كل ذرة في كرامتي .. ماعاد لي كرامة ابداً
ولا عدت احس اني شيء في هذي الحياة له قيمة

والله ما تمنيت هالشي
ما تمنيت هالنهاية
كنت اتخيل زواج ابدي و زوج معاي في الجنة حيث الخلود الأبدي
و في الدنيا تخيلت زوج محب يكبر معاي و اكبر معاه
و اسرة كبيرة متحابة و اطفال كثير حولي لما اكبر يكونون معاي و حولي
بالضبط نفس جدتي و امي
تخيلت نفس هالأسرة المتحابة المترابطة
لكني جنيت عدم الامان و الاذلال و الخوف
انا ماعرف ايش هو الزواج الحقيقي لاني ما تزوجت الا مرة و ما جربت الا العيش مع رجل واحد
لكن متأكدة و حاسة ب قرارة نفسي ان مو هذا الزواج الحقيقي الصحيح
والله حسيت بهالأحاسيس من ثاني اسبوع في الزواج
لما شفت اطباعه معاي بالسفر و تصرفاته
استغربت و حسيت ب وحشة و غربة معاه عظيييييمة !!

وظليت احس بهالوحشة ٥ سنييين !

الغريب توني استوعب و افهم ليه كان ممتاز معاي مايقارب عام "في احد اعوام زواجي"
توني اليوم اربط الاحداث و اتذكر انه هذا العام هو نفسه عام الحظر و عام كورونا

كنت ادرس عن بعد "بمعنى بلا طموح علمي امارسه واقعيا و يستفزه"
بدون زيارات او اهل "مقتصرة على زوجي فقط "
ماقدر اطلب اي شي او اشتري شي "بسبب الحظر "
بمعنى ما نقص من ماله شي الا اللهم الأساسيات
كانت هذي الفترة الوحيدة اللي عاملني فيها معاملة ممتتتتتااازة خيالية حتى اني صدقت انه تغير خلاص و حملت للمرة الثانية
بعد كذا اول ماراح الحـظر و رجعت الحياة الطبيعية و العلاقات و الفلوس و الصرف رجعت المشاكل !!