المشاركة الأصلية كتبت بواسطة مبتعثة متفائلة

يعني خمسين سنه
متخيل نص قرن والمخلوقه ساكته وصابره
والحين مستنكر عليها رغبه تتوسع وتشوف الدنيا عشان بس اهلها والناس
الناس الي مثلك تحط راسها وتنام مادرت عنها
الناس الي مثلك تتوسع وتبني وتسكن وتنقل وتروح وتجي
الناس الي مثلك ماسوو لها تمثال الا عاقبوها بقعذه بغرفه ماتليق بوحذه بسنها
وجاي تفلسف على راسها بكلام لايودي ولا يجيب
اجل ماتسوق وتعاقب نفسها عشان يرضى المجتمع
وليه ماعزو بنتهم وروزها وخلوها تسكن بجناح وشقه كامله تاثثها على كيفها
عشانها ماتزوجت يعني عقاب
ياليت تدري اخوي ماعاد يهم الي بيع نبيعه والي مايهتم بوضعنا مانهتم وش يقول ووش راي الناس فيه
والي يبي يحجر البنت لا هو حاط لها مكان محترم ولا هو مخليها تطلع يطق راسه باول طوفه ماعاد فيه مشاعر الاخو وسمعه الاخو خايف على مشاعره وسمعته خلاص يتنازل بالشقه لاخته
ولا حلوه انحكري بغرفه وحمام مشترك ولا تطلعين تتوسعين بحر مالك ولا تبنين وانا الي باخذ الشقه انوسع مع بزراني وزوجتي وانتي هاه حافظي على مشاعري وسمعتي قدام الناس
اعوذ بالله من الظلم

تدري ان ربي عذب امراه تصلي وتصوم بس عشان قطه
لا هي خلتها تطلع تعيش ولا هي اكرمتها في بيتها