وعليكم السلام ورحمة الله وبركاته
الحمد لله بخير ونعمة
والله يا والدي للاسف لا جديد
من يومها تركته ثلاث ايام وهو ما كان حتى بيسال عني
سألت عنه وقلتله عملت ايه وناوي على ايه
للاسف لقيته نفس الحال ونفس الحياة لا تغيير يذكر
قلتله طيب واتفاقنا قالي انا موافقتش على حاجة
انا قلت ربنا يسهل وانتي مش هتتشرطي عليا
عايزاني اقبليني زي ما انا وانا كنت قابلك بالوحش فيكي قبل الحلو
قلتله لا انا من حقي اعيش حياة طبيعية
وانت حتى مش هاين عليك تضحي وتنزل تدور على شغل
ولا تشوف مشروع تعمله قالي يبقى انتي الل اختارتي
ما رديت عليها بعدها بكام ساعة بعتله رسالة ان ده اختياره مش اختياري
كلمني بليل وقالي الل ليكي عندي تيجي ونحاول نغير حياتنا
رفضت قلتله انت عارف ان مش هرجع كده وانت مش فارق معاك
بصراحة صعبت عليا نفسي وقلتله ده اخر كلام عندي
قالي انتي مش قلتي هتبعدي خلينا بعيد لحد منشوف الدنيا هيحصل فيها ايه
قلتله مش هسيب حياتي للصدفة يا تتغير يا خلاص
قالي اساسا بعد الل عملتيه لو انتي اخر واحدة ف الكون مش هعيش معاكي
ولا عايزك اصلا
قلتله خلاص خلصت براحتك
وكلم اهلي واتفقوا ع الطلاق يوم السبت ولسة بيتفقوا هيتم التنازل ع القايمة
والحقوق ازاي وانا قلت مش عايزة حاجة لو هو راضي الله يكرمه بيهم
كل ده مش فارق معايا قصاد اني احس اني بهون عليه كده
والله يعمل الل فيه الخير
وبحاول التزم بكل الاذكار والدعاء والحمد لله بخير
الله يكتب لحضرتك كل خير

__________________
لا حول ولا قوة إلا بالله العلي العظيم