السلام عليكم ورحمة الله وبركاته .
أنا شايفه إن فيك ( غضب ) عالسنين والحُب اللي كان قُوبل بِ ( العناد ورفض الإعتذار )
لذا اقترح تأجيل فكرة الزواج من وحدا تانيه عالأقل في الوقت الحالي لعدة أسباب
* مو معقوله حُب سنين طويله راح يموت تماماُ خاصة وإن كان صادق زي ماحكيت .
* في باب رجوع وارخاء من جهتها بعد اللي مرت فيه .
* تعلقك في اطفالك يخلي في فرضية أخد أمهم لهم لبلدها في حال الزواج من الخارج وحدوث خلافات معاها .
ومن وجهة نظري اللي ممكن مو الكُل يتفق معاها إنو ( البزوره يستحقوا التضحيه )
فمافي مانع تحاول انتا وهيا إن الأمور بينكم تصلح حتى لو بدون تدخلات , أحيانا مانعرف قيمة الأشياء الا اذا حصل موقف يبين لنا اهميتها واتوقع علاقتكم الزوجيه وصلت لدي النُقطه , وللأبد اقول الصراحه بين الزوجين مهمه , يعني هيا من فين تعرف إنك تبغى كلام حُب او اعتذار اذا انتً ماعمرك صرحت لها من قبل ؟
لا تتوقع إن الطرف التاني ممكن يوصل لنُقطة إنو يفهمك من نظره او ان يكون تعبير الحُب عندو زي اللي في بالك .
الله يجمع شملكم على خير .
اتمنى لكم حياه جديده سعيده مع بعض .
__________________
اِهدنِيْ فِيْمن هَدَيْت ..
