نسيت اعقب على موضوع النادي
فعلا اشترك في نادي نصيحه

بتحس بتأثير عجيب على نفسيتك
انا اشتركت في نادي ولي الان 5 شهور
لاحظت تغير عجيب في نفسيتي وشخصيتي
ولاحظت كأن كان فيه ثقل شايلته
وخف وزنه كثييييير😓

ف ابدأ واشترك بنادي
ارجع من الدوام وارتاح ساعه او ساعتين
ثم اذهب للنادي وابقى فيه لين يقفل
عشان ترجع تعبان وتنام على طول

انا ما صرت انام نوم عميق وهادي
الا بعد ما عرفت النادي
وكنت قبل لاني نايمه ولاني صاحيه😓
احس ابسط صوت يصحيني

والحين ما شاء الله لازم ارفع صوت المنبه
عشان بكون متعمقه بالنوم😂
والحمد لله🙏🏻

خل المدرب يرتبلك جدول
بحيث تنوع بالتمارين والكلاسات اللي تدخلها
ادخل يوغا نهاية كل يوم بالنادي اذا قدرت
(مدري اذا في النوادي الرجاليه يوغا زينا ولا لا)😂
عشان جسمك يسترخي وترتاح بالنوم

+ اشرب مويه كثير
وكل اكل صحي باهتمام
لازم كل يوم يدخل جسمك اكل صحي
فواكه خضار سلطات
عشان يوم تخربها وتاكل اكل غير صحي
يكون فيه مخزون يقاوم الاذى في جسمك


+ اسمع نكت او مقاطع تضحك
او مسرحيات كوميديه
لازم تضحك وتستغرق بالضحك
مو الضحك الميت😓
انا اعرفه يوم اضحك بدون نفس
ما احس له اي طعم او اثر على نفسيتي

لا اضحك الضحك اللي من قلب لين تدمع عيونك
وتبغى توقف ما تقدر😂

خصص يوم تروح لكوفي
لحالك بس تتقهوى وتدلع نفسك😌
(عشان ما تمل من النادي)
او مساج او تشتري ملابس جديده
انت ادرى اش تميل له نفسك
او شكل ونوع بينهم كل فتره شي


وطبعا ما تتوصى بالصلاة والقرآن تلاوه واستماع
لو دقايق او تشغله عند راسك قبل النوم



والله يعينا ويعينك🙏🏻

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )