اختي الغالية
اول شيء / حمد الله علي سلامتك والله يبارك في ولدك ويجعله ذرية صالحة .
والله يرحم والدك ويغفر له يارب (واذا والدك كان عايش ما كان قدر يسوي هالشيء) ولكن الحمد لله علي كل حال
واعرف انك الحين مشتتة ومو قادرة تاخذي قرار وتركزي وحاسة انك ضعيفة ومكسورة.
لكن تاكدي اذا كان هو الحين سعيد بالحرية وانه انفك من البيت او منك او من المسؤولية بكرة راح يندم ندم عمره ويعض الانامل ووقتها انتي اللي راح تكوني مرتاحة ان شاء الله
ثاني شيء/ بخصوص النفقة هو راح يرسلك مبلغ وما له علاقة باي شيء ثاني هذه اذا استمر الطلاق لا قدر الله واذا جه علشان ياخد ولدك للمستشفي او غيرو فذا من عنده وغير مجبر عليه لان حصل انفصال خلاص وهما الحين بحضانتك وانتي المسؤولة مسؤولية كاملة والله يعينك عليهم يارب
ونصيحتي لكي وانا اكيد اكبر منك واعرف كثير عنك
اي احد من عيلتك (عمك - خالك - اخوكي ) أي رجل يروح ويجلس مع والد زوجك اذا كان عايش واذا كانت امه المسؤولة تخلي امك تروحلها وتتكلم معاها.
بخصوص الاولاد والمسؤولية واللي راح يحصلهم من تاثير سلبي علي نفسيتهم ومستقبلهم وخليها تقولهم قد ايش انتم تحبو بعضكم ولكن لحظة شيطان وتذكرها (إن يردا اصلاحا يوفق الله بينهما) (والصلح خير) والبيوت ياما بيحصل فيها لكن علشان الاولاد وعلشانهم وعلشان هما صغيرين ولسه بشبابهم لازم يتمتعو ببعضهم.
اذا اقتنعت وجاب نتيجة فهو خير وان لم يكن فهو خير والله
خير لانك راح ترتاحي من رجل مهو قد المسؤولية وغير قادر علي حقوق بيته ورعيته
خير لانك راح تكوني تخلصتي من رجل مسمي بكلمة ذكر فقط وليس برجل

كيف ترتبي حياتك ؟
1- راح تخلي عيالك بين عيونك من كل شيء
2- الماديات هو راح يرسل مبلغ بس ما راح يكفي احتياجات الاسرة فلازم يكون في دخل اضافي عندك او والدتك تساعدك
3- اي طلبات للبيت خلي السواق يجيبها (سيريلاك - شامبو - زيت بشرة - بامبرز - مواد غذائية)
4- ملابس الاطفال تجيبيها من اي مول متوسط السعر.
الله يعينك علي هذا الابتلاء ويرفع عنك ويصلح زوجك او يبدلك خيرا منه ويوسع رزقك ويبارك في ذريتك
ف الاخير انا اخوكي واذا احتاجتي اي شيء ما راح نتاخر ان شاء الله