كلمتني امه تطلب غرض معين
رحت قلت له لوسمحت وصله لخالتي
قال ابشري
قلت له قبل تطلع بقول لك كلمتين
بتغلط علي وعلى اهلي براحتك
كل واحد يعكس اخلاقه وتربيته
بس لا تجبرني عالعلاقة ولاتقرب مني
لوسمحت اتركني بحالي


قام يبرر ويتعذر
يقول قهرتيني وكلام سخيف
قلت له انت ماتسوى ظفر امي
ولا من حقك تغلط فيها
قال قسما بالله ماقصدت العنها
كان اللعن لك انتي ذاك اليوم
لان ولدك اللي صاح
اقصد الولد لماقلت الله يلعن امك
اللي هي انتي امه

قلت له يعني هذي بسيطه؟
مايلعن الا الزوج الهمجي عيب تأدب
قال صح انا اسف
وقام باس راسي
دفيته وانا ابكي

قلت والفجر تقول الله يلعن من رباك!
قال برضو ماقصدت اهلك
بس استفزيتيني وجت هالسبه بلساني
قام يكرر اعتذاره
عرض علي نطلع نتعشى ونتمشى
رفضت
قال امس حاولت اصالحك لما قلت نورتي
بس ماعطيتيني وجه
قلت هذي كلمه سخيفه
لكن الشجاع يعتذر برجوله
نورتي هذي تصرف جبان
مايوازي حجم كلامك

قال انتي اصلا ماتحبيني
قلت انا اكلمك الان وانا كارهتك
ولا تتكلم عن الحب وانت بذيء اللسان
قال ايش تمرين طيب؟
قلت تحلف ماتلعني لا انا ولا اهلي
حلف
وقال لو لعنتك او شتمتك منب رجال


مسحت دموعي ورحت وتركته


ماكان ودي ابكي عنده
لانه مايستاهل دموعي
ولاني انا اللي رحت اكلمه
بس غصبا عني بكيت


اللي ريحني اني قلت له
اني مليت منه وكرهته من اسلوبه
وانه مايسوى ظفر اهلي
وان اللي يغلط بأهلي ماله مكان بقلبي