هلا اختى ام سهيل وانتِ بعد لك كل الشكر حاولت اتمالك اعصابي بناء على كلمتك
ان اركز عليه هو و ليس على مايزعجنى منه و قدرت الحمدلله اتمالكها 😊 وهذى اعتبرها
خطوة جبااره بالنسبة لي وباذن الله تستمر ماظمن نفسي ..

بصراحة < وبعيد عن الانتقادات لي
انا اقتبست شيئاً من قصة اخونا الرسمي وموقف زوجته و نفذتها بالشكل
اللى يناسبنى بدون كثرت تفكير .
قلت بروح له بيتهم < خطوة جرئية مرره و ماتصير عندنا وعيب ادرى
بس ماتحملت كل هذا التطنيش منه حتى بعد ماقطعت التواصل مانفع وطنش بعد
صحيح جاء ببالي افكار وانه كيف و عيب وايش موقفه بس ماهتميت ..
وكل تفكيرى كان بموقف الرسمى ونتائجه ، صحيح البئية عندنا تختلف يمكن
المهم ارسلت لاخته اعايدها و كذا و قلت بزوركم
تكشخت 😊 و رحت و كانت عندهم جمعة بنات صحباتهم الحمدلله جت من الله يعننى رايحه لهم
احترت عندهم مدرى كيف اشوفه للعلم بيتهم جدا كبير و اجنحه و له جناح هو خاص فيه
و احنا كنا بصالة استقبال بعيده اضطريت اسال اخته عنه مع انى ماكنت حابه هذا الشيء ابدا
قالت اظنه موجود مدرى < 😡 ماعطتنى جواب واضح قالت دقي عليه دقيت عليهومارد
بروح بنفسي بس مستحيه و الحمدلله قالت اخته الكبيرة روحى انتى شوفيه مافيه احد
وللامانه كنت متوووتره خفت من رد فعله على جيتى عنده و فعلا تفااجا مرره ^_^
والله العظيم قلت لاخته توصلينى قالت البيت بيتك مايحتاج .
عشان ارفع عن نفسي الملامه انه كيف جيت وكذا ولوحدي غرفته
قابلته بالصاله يشوف مباراه < وانا اللى طوول الايام هذى افكر فيه وسااحب
وعنده اولاد اخته مدرى اخوه صغار ..
تكلمنا و لكن كان جد زعلااااان و مايطينى فرصه ارد
اول شي كيف بدانا الحوار ؟ انه قال تعالى حياك و جلسنا قال كيف جيتى
قلت جيت لان ماتحملت زعلك و لا عدم ردك علي و حتى العيد خرب عشانك
قال عمي درى انك بتجين عندي ؟ لمعلوميه هو يحسب حساب ابوي كثيير بكل شي الا يسال
عمي ايش قال و عمي ايش رايه .
المهم قال قولي الصدق انتى قابلتيه !!!! يقصد الممثل !!! قلت من قال راعي الصوره
قلت كيف اقابله و ين القاه ! بشكل عفوي ردي وعصصصب قال وبوجهي تقولينها وين القاه
و انفجر يقول اعرف اللى يطاردون ورى الفنانين وتصوير معهم و مواعيد
و هم مايدورون الا الفلوس يجونك من اخر الدنيا ، قلت بس انا ماعندي فلوس تجيبهم
هنا سسكت وهدأ ، قال من وين جبتى الصوره قلت من النت < كلامه مو مركز من الغضب
و شد و جذب على هالصورة ..
قال بعدين اسمعى انا اعرف ابوك و اصلكم و شاريك و لكن يافليكا
الفلته حقتك بتتغير ، اي فلته و ايش تقصد << جد تمااالكت اعصابي
قال الشقه و السكن لحالك و السواقين و العناد
سكت مارديت لان لو رديت بنفعل جداا
قال الحين انا ولي امرك < طبعا كلمة مستفزززه بس سكت
وانا المسول و اللى اقوله مابغى فيه جدال واخذ ورد
بعدين قالت انت بتمنعنى من كل شي حتى السفر عشانك ماسافرت
قال انا مامنعتك من السفر انا قلت ساافري بس مع فلان " يقصد اخوي " مو لحالك ولا مع اختك وزوجها
قطعت انا الحوار بطلع من هذا الموضوع و قلت طيب الحين جيتك بنفسي و تعنيت
رضيت علي ولا للحين زعلان 😊 ابتسم قال خلاص برضى غصب وقال شفتى هذا الجناح قسمى
و اوريك غرفتى ؟ مزح طبعا و بس وكلام مشفر ^_^
لكن اخواتى الان يلومونى وانى بطيح من عينه وكيف سويت كذا و دوشه راس