مادري كيف القانون في دولتكم اختي

لكن القانون عندنا اذا الام تطلقت وماتزوجت العيال عندها طبعاً خاصة اذا هي قايمه فيهم وماعليها ملاحظات مثلاً سوء سلوك ولا غيره

لكن اختي هدي اعصابج وانسي الطلاق
شكله ريلج وايد متأثر بالموقف اللي صار
يمكن نحن نشوفه بسيط لكن هو عنده كبير انج كسرتي كلمته وقهرتيه ( ولو انه معاج حق عشان الامن والتفتيش ) ولكن لا تنسين انه طاعة الزوج واجبه

ف انتي اختي نصيحه لوجه الله
اذا تبين رضى رب العالمين ومب عشان ريلج بس
حاولي تراضينه وتتأسفين منه
وتوعدينه هالشي مايتكرر
حاولي تتوددين له وتبينين ندمج ( ولو كنتي مب ندمانه ) لكن عشان ترجع المياه لمجاريها ،، عشان خاطر استقرار حياتكم وعيالكم

صدقيني الطلاق شين و مر والضحايا هم العيال والله فكري فيهم قبل اي قرار