احييكم جميعاً .. وأنا قرأت الردود .. وأحترم وجهات النظر .. ولكن قراري واضح وأنا اعرف اللي بيصير . فعلى سبيل المثال اي بنت يوصل عمرها ١٣ سنه تبدأ ملامح الأنوثه وأنا ماارضى يكون بناتي عند زوج امهم بعد يوصلو ١٣ سنه . الحين الولد عمره ١١ ومعروف إذا كبر الولد فهو يخير ياااايكون عند ابوه او عند امه . والبنات وحده الحين عمرها ٧ والثانيه عمرها ٦ . فالأوله اذا صار عمرها ١٣ وأكيد الثانيه راح يصير عمرها ١٢ فأنا راح اسحبهم بالنسبه للبنات اذا كبرو . والولد يخير وعلى كيفه يايبغى عندي او عند امه . فيعلم الله اني حريص كل الحرص على عيالي
ملاحظه/ يقولك رحم الله رجل عرف قدر نفسه . انا الحين مااقدر آخذ عيالي ولعدة اسباب .اولاً/ انا الحين ساكن عزوبي وموظف حكومي. ودوامي شفتات . مره دوامي الصباح ومره يكون دوامي بعد الظهر ومره بعد المغرب ومره اخر الليل حتى الفجر . يعني شفتات . فأسألكم بالله ياناس هل ترضون آخذ اولادي وأنا على هذي الحاله .
ثانياً/ كيف آخذ عيالي وعملي شفتات . وكذلك لو اخليهم عند امي فهي عمرها الله يحفظها ٦٠ سنه . والوالد متوفي والله يرحمه . واخواتي مستحيل وألف مستحيل اخليهم عند اخواتي . حتى لو وافقو . فأنا ادرى بعيالي . الأم كفو لتربية اطفالي فحرام احرم عيالي من امهم . لاااااااايصير عناد بيني وبين طليقتي والضحيه هم اطفالي . مستحيل اسوي كذا . فالظلم ضلمات ولاهي علومي . لو امهم ماهي كفو للتربيه او انها غير مطابقه لشروط الحضانه فمستحيل ارضى تربي اطفالي . وكذلك زوج طليقتي . لو كان حق خراب او انسان فاسد فمستحيل ارضى بذلك . وأنا كل اسبوعين آخذ عيالي لمدة يومين عندي امشيهم وينامون عندي . حيث اني عزوبي وساكن لحالي . ومعلومه هامه احب اضيفها وهي راسخه في رآسي .. وهي اذا تزوجت والله رزقني بطفل او طفله فراح اضبط الموضوع مع زوجتي وآخذ اطفالي وبجيب لهم شغاله . ويصير عيالي معاي وكذلك طفلي الجديد معاي وزوجتي الجديده معاي والشغاله معاي والأمور طيبه . وأما الحين فالله يرحم والديكم لاتضغطون علي . اقسم بمن حلل القسم لو كانت طليقتي او زوج طليقتي غير كفو لتربية اطفالي فمستحيل اخلي اطفالي عندهم