رد: طليقتي تزوجت
اقتباس:
المشاركة الأصلية كتبت بواسطة مبتعثة متفائلة
اخ المتواضع
لو البنت اتعبت اخر الليل وامها مو متزوجه ومطلقه عند اهلها
بيتغير الوضع لو دقوا على الاب
نفس الشي عند زوج ام يمكن يكون احن من خوالها
هو الطلاق صار صار وتشتت العايله الله يعوضهم خير
تزوجت ماتزوجت الام نفس الشي
ان عاشوا عند ابوهم عيشه ناقصه
وان عندهم امهم نفس الشي
سالفه انهم يعيشون مع امهم وابوهم تحت سقف واحد انتهت بحكمه ربي وقدرته
وانا مع جمانه فقدان الام اصعب
والاب بنفسه معترف
يعني يااخوان بتصيرون احرص منه على عياله
هو عارف مقدرته بالوضع الحالي
وعارف ضروفه
وعارف مصلحه عياله
زوج الام محرم لبناته
وهم بشقه لوحدهم عياله ماراح يكونون معاهم
ماهو رجل غريب الله حلله لهم الحين
ونفقتم بتجيهم وبيزورهم
اشوف الرجال ماقصر بشي
|
اذا تعبت البنت وهي عند امها والام هي الحاضنه امها توديها وتجيبها حتى تعرف قيمة الطلاق وتبعاته ، اما بناتي يدخل عليهم وييخرج عليهم كل شوي رجل اجنبي عنهم وانا ابوهم حي أُرزق وأُغيّب كأني متوفى او سجين او مفقود لا ياأختي ، حنان الاب مايعوضه احد غير ابيهم وترى الاولاد والبنات يحسون ويفهمون ويشعرون لهذا الرجل الغريب الي يمازح ويُضاحك امهم ، ويكون بعلمكم البنات اقرب للاب من الام هو غناتهن وعزوتهن اذا صارت الصجيه
__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي
التعديل الأخير تم بواسطة المتواضع305 ; 23-08-2017 الساعة 03:31 AM