تقول زوجي تافه >> كيف يعني ، يمكن هي تشوفها امور تافهه وهو لاء

تفكيره طفولي >> لا يستحق الطلاق ، الا اذا قصدها ياهل مايعرف يتصرف، بس بعد هذا السلوك ممكن يتعدل بالتعود لانه الياهل يتعلم

متردد >> عيب عادي مب كبير

اهتمامته اهتمامات مراهقين >> كيف يعني ، ترى يمكن هي وايد عاقله وتشوف تفكيره مراهق ؟؟ او لانه ميوله مب نفس ميولها
الزوج مب ملزوم يرضي الزوجه باهتماماته ولكن اهم شي ما تأثر اهتماماته هذه على حياتهم الزوجيه


مايعرف يدير فلوسه >> يمكن هو ماتعود عالمسئوليه وصار عنده بيت اسره وعيال
لاتحكم عليه من قبل الزواج
اذا كان سهل يتقبل النصح والنقاش تقدر هي تساعده في ادارة فلوسه وتوجيه بشكل لطيف

ولا يعرف يكتب بدون اخطاء >> هو مكمل دراسته ؟ يمكن مب مكمل تعليمه
ماعليه ما اشوفه عيب كبير

تفكيره سطحي >> كيف يعني ؟؟ انا احس من كلامها عنه انه غير مثقف ومب مكمل دراسته
وهي ماشاءالله مثقفه وعاقله ويمكن كانت تطمح تاخذ واحد نفس مستواها
لكن بالزواج الانسان لابد انه يتنازل عن بعض الامور


اما اختي انه يهتم بنفسه وشكله هذا شي حلو
وخاصة انتي حسب كلامج انه مب راعي علاقات
وانتي قلتي انه مستقيم ومايدخن ومؤدب ولا راعي سفر
تمام الحمدلله

بس عيبه هو الله يهديه انه يمكن فيه نوع من الكبر والغرور وحب الذات
ليش ماتصارحه ؟ مافي احسن من المصارحه
بس بطريقه ماتجرح فيها مشاعره


وهي خل تتنازل عن بعض الامور
ولا يكون في بالها بيي لها زوج كامل الاوصاف مثل ماتحلم فيه
لابد في نقص

القناعه فيه هالزوج هي بايدها تصنعها
بتقبله بسلبياته وايجابياته وتحبه على ماهو عليه
وانت ما اقتنعت ماراح ترتاح وياه ولا راح تتقبله ابدا

بعدين هي وافقت عليه برضاها بدون ضغط صح ؟
خلاص عيل خلها تتحمل وتصبر
الزواج يحتاج صبر
اذا كانت عيوبه مب بالخلق والدين