الناس مظهر ما تدرين بالخبايا

يا كثرهم البنات اللي واقعهم غير عن الظاهر والبنات اللي تشوفينها تلبس وتكشخ ترى رصيدها صفر ريال لأنها كل فلوسها تشتري فيها يعني يمكن انتي اغنى منها

واسمحي لي ما راح تجي في الواقع وحده تشتكي لك من زوجها!
شوفي المنتدى مليان مشاكل زوجيه.

نصيحة لا تحطين رجل على رجل وتقولين حظهم أحسن من حظي

الله اسمه عدل سبحانه، ماراح يظلم جهدك وبقدر جهدك تحصلين.

حتى زوجك إذا اجتهدتي في إنك ما تتجادلين معه بالمبيت بيجيك ما تمنيتي.

لا تكثرين طلبات.

تفائلي حتى لو إنك منتهيه طالما إنك ما متي فالله كاتب لك شيء يغير حياتك

أنتي الآن شخص بالمره مختلف عنك قبل 10 أو 5 سنين، ابتهجي.

بعض الناس عندها قدرة على قراءة لغة الجسد والوجه ويمكن لغة جسدك كانت متشائمه!