تدرون امس عمل لي مشكلة من لا شيء مرة تناقشت معاه وقال لي اكيد عندك كل وسائل التواصل قلت له اللي محتاجته دخلته يعني ماكذبت عليه هو زعلان انه من بعد زواجه اغلقت جوالي برمز وقلت له حقك علي احفظ سمعتك طالما اسمي مرتبط بإسمك ولو كنا منفصلين عاطفيين ...المهم امس جاء كذا زي اللي يدور مشكلة لاني قلت له لو اهلي قرروا يرجعوا لبلدنا خذ لي شقة جنبهم وصير ارسل مصاريفنا وانت وزوجتك هنا زي اغلب وضع المغتربين يمكن يكون البعد خيرة لنا ....قال مالك حق تقررين قلت انا اشاورك زي كل الامة اللي جالسين هاليومين يقررون مصيرهم عادي يعني ....فهو جاء يسألني قال عندك انستقرام وانا متهيئة للنوم قلت له بالله خلينا ننام ماكنت أبغى مشاكل وهو يعيد السؤال وانا ساكته مارديت لاني رديت المرة الاولى وعمل مشاكل ولو قلت لا بيقول تكذبين ....قام يتكلم اني ماعاد احسب حساب لاحد وماشية على كيفي ولا عاد استئذن ...هو يبغى جوالي مفتوح وانا بصراحه كنت اتحمل مراقبته لما كنا عايشين زي الناس بس الحين ماعدت متحملة ...قلت له لما دخلت الواتس طلعتني منفتحه وبعدها دخلته واستخدمت واول ماتزوجت لسى زوجته عروسة ثاني يوم حملت الواتس قال ايوة وحملته لها بإيدي عشان نتواصل ...قلت له انت تتعلم على راسي وتعطيها خاف الله قال الحين بروح احملها كل البرامج بإيدي قلت له تعاندني قال احسن برضاي ولا تسوي زيك بدون رضاي وهذا الموضوع دخلني في نقاشات ماكان لها داعي زي الزيارات وحضورها قال الي أنا ماأبغاه انتي ماتبغيه قلت لا انا أبغاه بس اتركه عشان خاطرك ...كلامه كان جارع وانه مو سواق يجلس كل يوم يوديني بيت ولا مناسبة وذكر لي موقف لزوج بنت عمتي عمل سابع انا عزمتني البنت وطلع زوجها عازم اصحابه وكنت حاضرة مع اهلي قال من يعزم زوجه بدون زوجها قلت انا ماكنت اعرف انا رايحه على انها زيارة ولادة ...انا صعب احكم حتى ازواج خواتي واقاربي كل ناس فيهم صح وغلط ويصدر منهم تصرفات صعب اقاطع اهلي عشان مايعجبوه ...قلت له انا ابتعد عن اللي يزعجك بس مااقدر للناس طلعني غلطانه وقال انا مبتعد عن الكل عشان هذي المواقف اللي توجع القلب وتقهر....


طبعه لايبغى زيارات ولا اختلط بالناس اجلس بالبيت ولا بيت أهلي مايمانع ويبغى يحس اني ماأبغى احد الا هو بس
طبعا دخلنا بمقارنات مع زوجته الثانية وقال هي راضية راضية فيني بكل شيء كيف مااعطيها قلت له انا ماعطيتني فرصة من اول يوم هاجمتني وعيشتني رعب كنت اخاف حتى اكلمك بعطس هي دخلت على واحد ثاني جالس يراعيها ويدلعها اكيد بترضى فيك وتعطيك ...قال ياهذا اول يوم اللي مو قادرة تنسيه ...لازم اطلع غلطانه





امس حسيت اني غلطانه باستمراي معاه واننا متباعدين بعد الشرق والمغرب ...لكن لما وحده تطلب الطلاق الكل يعتبرها اسباب واهية الآن 3 اطفال والرابع في الطريق وهو شاف حياته ومازلنا مختلفين
ماابغى افارق عيالي بس احس ساعات اني مجبرة وساعات استعيذ من الشيطان واقول تعودت عالالم بتحمل لين يكبر ابني واعيش انا وياه لحالنا ....