اقتباس:
المشاركة الأصلية كتبت بواسطة ريم الاوطان
انتي جدا جدا دقيقه وتلاحظين و تفكرين بطريقة تييب الضغط 😅
حبيبتي فعلا يوم البنت يشلها ابوها طبعي من الغرفه خليها عنده
ع حسب كلامج يقطعكم وايد ف ما تتعود عليه،،
و دائماً قوليله يا حظك بنتك حجاب لك عن النار
و ياحظك البنت لابوها اصبر عليها لين تكبر
و يوم تكون تباج انتي سيري عندها قوليلها هذا باباه اللي تزاقرين باسمه دوم
من باب التحبيب
والأمور تراها جدا جدا جدا طيبه
مرات يوم اشل ولدي بسبحه بمجرد اشله لين الحمام الاحظ انه أيدي علمت ع خواصره
و مرات حمره ع البطن يعني احسامهم رهيفه
بي كول دير
|
اختي علامه عن علامه تفرق
ياريت لو اقدر اوريج عشان تتأكدين انه مب شي بسيط واني ما ادقق على امور ماتستحق
انا اعرف ريلي اشوفه يوم يرص ويضغط على جسمها بقوه بشكل متعمد
وهي بنتي اعرف صرختها وصياحها العادي عن يوم تتألم ويكون في شي
العلامه اللي يسببها بجسمها يكون لونها بنفسجي وبقعه كبيره شوي
واللون يبقى تقريباً اسبوع عشان يختفي
ما اظن انه انتي تسببين حق ولدج هذه العلامه
انا متأكده لانه انضرب ومتعقد نفسياً من الضرب يطلع حرته في بنته
ولو انه يحبها
الله يعين