الاخت username
هو فعلا قالها .. انا سويته اختبار لك اختبر ثقتك فيني .. و قال بعد كل اللي احتاجه منك ثقة و بس .. طيب هو كيف يتوقع مني اثق فيه و انا عارفه انه كذاب ومشهور عنه الكذب في وسط اهله .. حتى اخته كم مرة تقوله "انت ما ينأخذ منك لا حق و لا باطل" .. و انا كم مرة كشفته و تأكدت انه مستعد يحلف عالقرآن كذاب و يحلف ايمان و ايمان و هو كذاب..

ما ادري ايش كان متوقع مني بهالاختبار ؟و ارجع اقول انا ما صرت اعرف هو يقول الصدق و لا يكذب يعني مو مصدقة حتى انه اختبار و حاسه انه لف الموضوع بحكاية الاختبار..
هو متأكد ان الثقة فيه شبه معدومة و سبق قالي ما الومك اذا ما صدقتيني او شكيتي فيني ، طيب ليش يختبر في شي هو اصلا متأكد منه؟ و قلت له كم مرة للأسف انا ما اقدر اصدقك و راح اظل اشك فيك طول عمري اذا بتتحمل جزاك الله خير لأنه شي خارج ارادتي و ما اعطيتني اي شي يطمني من ناحيتك بل بالعكس كل مالك تأكد لي شكوكي و ظني، و اذا ما تقدر تتحملني فطلقني لا تتعبني و لا اتعبك و لا تزعلني و لا ازعلك و كفاية تجريح في بعض نطلع بسيرة طيبة احسن و هو يرفض الطلاق و يحلف انه يحبني و ما يتخيل حياته بدوني..

المشكلة مو هنا .. المشكلة انه يوم واجهته بموضوع الشمة فرح و كأنه انتصر علي (حتى لمعت عيونه من النشوة اللي حسها "اني وقعت في الفخ" ) لذلك صرت ما اتطمن معه حتى لما نتصافى لأنه شخصيته حقود و ما ينسى و ينتظر فرصة لأي احد يحقد عليه و يضرب ضربته على قوله .. دايما كلمته "اللي يجي تحت ضرسي ما ارحمه" بالله كيف اتطمن معه و هذا تفكيره؟ صرت اخاف حتى من كلامي و انتقادي له و مشاكلي معه لا يحقد علي..

قسم بالله تعبت تعبت تعبت من الحذر الدائم اللي انا فيه.. ودي بإنسان رزين يداريني و يريحني ..

.........