المشاركة الأصلية كتبت بواسطة ساعي للحق

ما لك إلا دعاء الله بأن يرزقك الزوجة الصالحة

وصدقني كما أنك عفيف ولم يسبق لك أن كلمت بنت فاعلم أنه يوجد بنات عفيفات ولم يكلموا شباب أيضاً

ولا تظلم نفسك بعدم الزواج لمجرد أنك رأيت فئة قليلة لا تمثل المجتمع

وأنا أتفق معك بأن العلاقات المحرمة منتشرة لكن الصالحين أكثر من الفاسدين والصالحات أكثر من الفاسدات

الله يرزقك يا أخي الزوجة الصالحة ويسعدك قل آمين

وتذكر قوله سبحانه وتعالى عن عباد الرحمن:

(وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا)

المشاركة الأصلية كتبت بواسطة سـلـطـان

المشاركة الأصلية كتبت بواسطة Username111

اخوي لاحظت انه نظرتك وايد سوده ومتشائم حيال الزواج
يمكن انت قاعد تشوف وتسمع تجارب سلبيه عشان جذي خايف

ليش ماتركز على الزيجات الناجحه اللي حواليك وكيف بعض الازواج تبارك الله حياتهم حلوه يعني مافي حياة تخلى من المشاكل لكن اقصد بعيداً عن الخيانه

اعرف وحده نفس تفكيرك
نظرتها سوداويه للزواج وانه الرياييل كلهم خوونه يخونون حريمهم وعيونهم زايغه والزواج اييب المرض والعزوبيه افضل

رفضت الزواج وهي عزوبية .. ولكن الله العظيم ما اشوف انها مرتاحه
الزواج سنة الحياة وشي جميل يا اخوي اذا حصلت شريك حياة يخاف الله يفهمك وتفهمه

مثلا عندنا في مجتمعنا
والله الشاهد ياما وياما سمعنا عن خيانات الزوج لزوجاتهم
وانا للاسف عشت هذه التجربه لكن الحمدلله ليست لحد الزنا
لكن وجود حبيبه و الخ

لكن والله ما كرهت الزواج ولا تعقدت منه ولا اعمم على كل الرياييل هالشي
والحياة تستمر ومافي انسان معصوم من الغلط لكن ماتوصل الخيانة لحد الزنا والخلوه

اخوي عليك بالدعاء
الدعاء اهم شي لانه رب العالمين هو بقدرته وحكمته سبحانه بيسخر لك الزوجة المناسبة
و اذا بتروح تخطب
طبعاً انت ماراح تخطب وحده من الشارع

لازم تسأل عنها عدل وعن اهلها وعن دينهم
اهم اهمممم شي يا اخوي الحرمه تكون صاحبة دين
قبل كل شي

والديانه الحقيقه بالقلب وليس فقط بالشكل يعني لاتركز بس عالشكل

لانه اذا تخاف الله وفيها وازع ديني و رقابة ذاتيه صدقني لو شو ماصار وحتى لو ريلها مأذيها و قصر في حقها وظلمها وغاب عنها راح تحفظه في عرضه وبيته وبتكون وفيه له وبس .. والسبب انها تخاف الله فيه حتى لو كرهت ريلها
لكن لو ماتخاف الله
اذا كرهت زوجها ممكن تسوي كل البلاوي

نفس الشي الريال