اقتباس:
المشاركة الأصلية كتبت بواسطة Broken angel
الله يصلح حالكم وتردلك بأذن الله
اعطيها شوية وقت تقلب الأمور (بعض الاحيان سنه او اكثر كفيله انها تغير تفكير انسان بالكامل), صعب نسيان العشرة وحتى لو انت كنت مقصر أكيد كان عندك ذكريات كثير حلوة معاها وعشرة وعيش وملح وحسب كلامك انت ابن حلال وتخاف الله وراح تعرف قدرك اكيد مع الأيام, واذا ماعرفت انت اكيد تستاهل الي تعرف قدرك, سويت الي عليك وزياده ربي يوفقك ويصلح حالكم امين |
آمين ... معاها سنتين تراجع حساباتها . وبالنسبه لي بعد مرور سنه بالضبط . يعني إذا جاء شهر رمضان القادم بإذن الله سنة ١٤٣٩ ببدأ اضبط وضعي المادي وأستخرج قرض جديد من البنك بشهر رمضان القادم وأجمع مصاريف اخرى من راتبي لتكاليف الزوجه الجديده ولااضيع عمري لانسانه ماتبغى ترجع .. ومع العلم اذا اخذت قرض من البنك وجمعت من مصاريف اخرى من راتبي وأصبحت أنا جاهز للزوجه الجديده . فبعطيها آخر محاوله وأكلم اخوها . وأقول اعط خبر لأختك تبغى ترجع ونفتح صفحه جديده . او انا قررت اتزوج . وحينها الجواب يكون واضح وأكون والحمدلله جاهز نفسياً ومادياً . انا ماامدح نفسي اعطيتها فرص كثيره لجلها ولجل اطفالي
. والمثل يقول ( كُل دقّه بتعليمه ) وهذا انا تعلمت الكثير من اخطائي وماراح تتكرر اذا رجعت لي طليقتي .. او تزوجت . ماراح تتكرر اخطائي . الدنيا علمتني كثير . وتعلمت منكم دروس كثيره . وأستفدت الكثير من نصائحكم بالمنتدى . وماانسى وقفاتكم رجال ونساء من اعضاء ومشرفين
وأغلبكم يتذكر موضوعي السابق بعنوان ( زوجتي تبغى الطلاق ) فالحمدلله على كل حال
فأسال الله يوفقكم لما يحبه ويرضاه
فعلاً / الدنيا ماتوقف على احد
ملاحظه / إذا صار شيئ جديد بموضوعي فبعطيكم خبر هنا بالمنتدى
ارجو من المشرفين اغلاق موضوعي بناء على طلبي
تحرير في ١٤٣٨/١٠/٤