لاحول ولا قوة الا بالله

محد كاسر خاطري الا الياهال هم الضحايا

انزين اخوي قبل كل شي فكر بعيالك هم مالهم ذنب بهالشتات

بغض النظر عن زوجتك الله يهديها وتصرفاتها

العيال وين يرتاحون اكثر
هل انت قايم بواجباتهم كامله غير المصروف
يعني القعده وياهم الضحك واللعب ومن ناحية التدريس والاهتمام بنظافتهم و بتنويمهم اكلهم كل شي يا اخوي
اذا انت متأكد انك ما بتقصر وياهم خلاص كان بها
واذا عندك احد يهتم فيهم من خواتك او امك بعد زين

لكن بكل صراحه اخوي .. العيال يحتاجون امهم خاصة لو كانو صغار

لاتدخل عيالكم بين مشاكلك انت و زوجتك عشان تقهرها فيهم

كلم عيالك وخيرهم وين حابين يتمون وين يرتاحون اكثر .. اهم شي مصلحتهم

حتى لو صار الطلاق لا قدر الله اللي اعرفه العيال يروحون عند امهم

وبخصوص زوجتك
انت حددت وياها ساعه معينه عشان تتلاقون ؟؟ يعني انت لما رحت عند اهلها كان عالوقت المحدد ولا ابجر

يمكن هي قبل ما اتيي لها كان عندها شوية وقت وحابه تمر على صديقتها شوي وترجع مع وقت اتفاقكم

لكن ان كانت رايحه عند صديقتها في نفس وقت اتفقاكم فهي غلطانه بلا شك

اخوي الصلح خير من الطلاق

عطها هذه اخر فرصه ولا تخلي الشيطان يدخل مابينكم

لانه الشيطان احلى شي عنده يفرق بين الزوجين

قولها هذه فرصتج الاخيره عشان نتكلم

خلاص يا اخوي بلا ورد و غيره

روح لهم سيده بيتهم بدون موعد واطلب منهم ينادونها عشان تكلمها سيده

واذا ماشفت منها قبول وندم وتغيير

ف صل استخاره وعسى الله يقدم لك اللي فيه الخير

الله المستعان
للاسف اذا صار الطلاق هي الخسرانه

في احد مأثر على تفكيرها وعقلها
الله يصلحها ويهديها