لاحول ولا قوة الا بالله
البارحه بعد صلاة العشاء توجهت لمحل الهدايا وجهزت باقة من الورد ليذوب الجليد الذي بيننا لأني اعرف انها تحبه
خرجت من المحل فاتصلت بام زوجتي وتخبرني ان زوجتي واختها قد ذهبن لزيارة صديقه لها مريضه غضبت جدا واخبرتها ان بيننا اتفاق قالت ياولدي بنات هاليومين ماعاد اقواهم انا مافيني حيل وقلت لها زوجك بيجي قالت برجع بسرعه مابتتاخر ادخل نتقهوى شوي اعتذرت منها ولفيت على البيت انا بقمة القهر اشعر ان لاقيمه لي عندها ابداً لا قليله ولا كثيره فتحت السناب ووجدت لها سنابات في حفلة باستراحه مع صديقاتها ملاحظة هي كانت حاظرتني ورفعت الحظر فقط لأشاهد انها مبسوطه مع صديقاتها وانها لاتحتاجني او تحتاج لحياتنا السابقه انفعلت جداً كلمت امها اني باخذ الاطفال عندي يقيمون عندي ويزورون امهم قالت تفاهم معها وقرروا لاتعقدون هالاطفال قلت مافيها تعقيد بنتك طالعه حفلة مع صديقاتها وعيالي عندك بالبيت وانتي كبيره بالسن وبيزعجونك اكثر من انك بترتاحين والله يخليك اذا ماوقفتي معي قبل اوقفي معي بس بهالنقطة قالت براحتكم والله ماشفنا منك الا كل خير وانت والنعم فيك بس لاتتسرع اتركها تفقدك وتعرف قيمتك قلت ان شاء الله رسلت لي رساله تقول اذا بترجع العيال يعيشون عندي وعند امي ارسل معهم خدامه تصاليهم لان امي تعبانه وماتقدر تجلس عندهم وانا عندي دوام يبدأ من الخميس مااقدر اجلس معاهم رديت عليها الاطفال سيبقون عندي وسيستمورن في مدارسهم السنة القادمه وسأهيئ لهم الجو المناسب للتاقلم مع هذا الوضع الجديد وتمنياتي لك بالتوفيق فضحكت وقالت ياحليلك تمنياتي لك بالتوفيق مسوي فيها الزوج المثالي اللي مايغلط واللي قايم بواجباته ومعطيني كامل حقوقي انا حقوقي ناقصه بهالمجتمع ومستكثرين علي الطلعه شف من طلعه وحده صرت ام سيئه وراح تعب السنين الماضيه قاطعتها وكتبت لها انا كنت جاي اليوم اتفاهم معاك ونحل الامور لكن لم اجدك الآن لاتهميني انت ولا المجتمع اللي هاضم حقوقك انا يهمني اطفالي وهم الآن بحضني قالت الى ما اجيب سواق خاص اذا دقيت عليك تجيبهم ولا والله لا اشكيك ههههه تفكير غريب صراحه
انا غسلت يدي خلاص انا انام مؤقتا ببيت الوالده الى ان تتبين لنا الاوضاع بالمستقبلل القريب اطفالي واضح على وجوههم الانكسار لكن الشكوى لله مابيدي شي يتحملون هالشهرين وان شاء الله يتأقلمون
لقد قررت ان اطلقها كسرتني وقهرتني كنت ادعي لها قبل لكن الآن عساها ماترجع لي ويخليها لعيالها بس